HARARE —
Idale lomthethwandaba eleHigh Court likhangelelwe ukuthi lamuhla lizagweba abalandeli beMDC-T abathathu abatholakale belecala lokubulala ipholisa eHarare.
Abathathu laba – uMnu. Last Maengehama, uMnu. Tungamirai Madzokere loMnu. Yyvonne Musarurwa - kuthiwa babulala uAssistant Police Inspector Petros Mutedza eGlen View ngomnyaka ka2011 ngesikhathi abalandeli beMDC-T betshengisela ezitaladini.
Bamelwe nguMnu. Nelson Chamisa, Mnu. Douglas Mwonzowa loMnu. Jacob Mapfume. Balakho ukugwetshelwa ukulengiswa.
Sizalethulela okunengi ngaloludaba ntambama.