Owayengumsekeli kamongameli, uMnu. Phelekezela Mphoko, umiswe namuhla emthethwandaba esetheswa icala lokutshaphaza iwofisi kahulumende.
UMphoko, obedingwa kulandela ukwala kwakhe ukuthi abotshwe yikhomishini ebona ngokungethembeki eyeZimbabwe Anti-Corruption Commission, umiswe emthethwandaba koBulawayo wahlawuliswa isibambiso se-bail.
UMphoko wayesala ukuyavalelwa enkamba yamapholisa esithi ulakho ukuhlatshwa ijekiseni engamgulisa ngoba kukhanya engadlelani kahle lohulumende kaMongameli Emmerson Mnangagwa.
Wayedlelana lowayengumongameli uMnu. Robert Mugabe lomkakhe, uNkosikazi Grace Mugabe, owayecatshangelwa ukuthi wayefuna ukuthatha isikhundla sikaMugabe.
UMphoko kuthiwa wakhipha okungekho emthethweni esinye isiphathamandla senkampani kahulumende enkamba yamapholisa okungekho emthethweni.
Uyaliphika icala leli.