amalinks wokungena

Breaking News

Amapholisa Abopha Umkhokheli Wabatsha Webandla leMDC Alliance


FILE: UObey Sithole (ophambili emfanekisweni lo) ungena emthwethwandaba eHarare.

Amapholisa eZimbabwe asebophe uObey Sithole, umgcinisihlalo wohlangothi lwabasakhulayo kubandla leMDC Alliance, okuthiwa watshengisela okungekho emthethweni ekuqaleni kuka Mabasa eHarare.

IMDC Alliance ithi amapholisa athi uSithole watshengisela emgwaqweni okwesikhatshana edolobheni leli.

Ibandla leli lithi akucaci ukuba ubotshelweni uSithole njengabanye bakhe ababalisa uNkosazana Joanna Mamombe, uCecelia Chimbiri labanye abavalelwe entilongweni, okuthiwa bephula iziqondiso zohlelo lokuvalela abantu ezindlini olweCOVID-19 lockdown.

Inhlanganiso yamagqwetha eyeZimbabwe Lawyers for Human Rights (ZLHR) ithi uMnu. Obey Shava, usehlolisisa ukubotshwa kuka Sithole.

IZLHR ithi uSithole ubotshwe phansi komthetho owesatshwa nguzulu oweCriminal Code.

Kasenelisanga ukukhuluma lamapholisa ngodaba lolu ngexa yokuthi uSenior Assistant Commissioner Paul Nyathi, isikhulumeli samapholisa, ubengaphenduli umakhalekhukhwini wakhe.

Facebook Forum

XS
SM
MD
LG