amalinks wokungena

Breaking News

Amapholisa Athi Asebophe Izigebengu Ezedlula 800 Ezisebenzisa Imibhobho Lezinye Izikhali eZimbabwe


Assistant Commissioner Paul Nyathi

Amapholisa athi asebophe abantu abafika phose inkulungwane abagqekeza ezindlini zabantu, ezitolo lezinye indawo. Kusanda kudutshulwa isotsha litshontsha njalo sekubotshwe elinye lomunye owayelipholisa ngesikhathi lisanda inani labezomvikela abatshontsha besebenzisa imibhobho kahulumende.

Kulesotsha eladutshulwa lafa nguMnu. Joseph Nemaisa eChadcombe eHarare litshontsha endlini yakhe kwathi omunye njalo okubutho osebenzelana laye wabotshwa. Isotsha leli, uTariro Gora, ngomunye wabathathu ababulawa nguNemaisa ngesikhathi ebathola emzini wakhe betshontsha besebenzisa iAK47 leminye imibhobho yebutho.

UNemaisa wayekuhlongothi lwamapholisa olweCriminal Investigation Department. Sebebanengi abezomvikela ababotshelwa ukutshontsha besebenzisa imibhobho kahulumende.

Isikhulumeli samapholisa, uAssistant Commissioner Paul Nyathi, uthi sebebophe abantu abafika phose inkulungwane – 800 lonyaka abatshontsha njengo Gora.

“Sikhuthaza uzulu ukuba asineke imibiko nxa esizwa lokhu. Kusukela umnyaka uqala sesibophe abantu abangu 800 abenza lokhu. Siyaqhubeka sikwenza lokhu ukuze sibophe abantu abenza lokhu”

UNyathi uthi bazimisele ukubopha zonke izigebengu.

“Ungananzelela uyabona ukuthi kule operation esilayo lapho esilamapholisa alezimota elemibhobho sebehamba belandela amasela onke enza lokhu.”

Abantu abanengi bathi sebedlela evalweni ngenxa yamasela lezigebengu ezisebenzelana labezomvikela. Omunye wabadlela evalweni nguMnu. Matthew Sithole, isakhamuzi seHarare.

“Siyabona amapholisa lamasotsha yibo abatshontshayo ngoba bahola imali encane kakhulu”

UNkosikazi Nomusa Hadebe laye uthi kuyethusa okwezwakala eZimbabwe.

UMnu. Reason Banda uthi kuyadanisa okwenziwa ngavezomvikela.

UMongameli Emmerson Mnangagwa usanda kutshela uzulu ukuba uhulumende wakhe uzalwisana ngamandla lezigebengu ezisebenzisa imibhobho. Ukhuze amasotsha lamapholisa esithi akumelanga bedlelane lezigebengu.

Amapholisa Abopha Izigebengu Ezinengi
please wait

No media source currently available

0:00 0:03:13 0:00


Facebook Forum

XS
SM
MD
LG