amalinks wokungena

Breaking News

Manengi Amabandla Aphikisayo Asungulwa eZimbabwe Ngesikhathi Kulungiselelwa Ukhetho Oluzakwenziwa Ngo2023


Inkokheli yamabandla aphikisayo ithi kulungile ukuba kusungulwe amabandla amanengi eZimbabwe ukwenzela ukuba kube lombuso obalulekileyo elizweni.

Okwamanje kulamabandla aphikisayo edlula ikhulu – 108 eZimbabwe. Inengi lawo ancintisa kukhetho olwenziwa ngomnyaka ka2018.

Ancintisa kukhetho luka mongameli ayengamatshumi amabili lambili – 22. Kusanda kubunjwa elinye ibandla eleFront for Economic Emancipation in Zimbabwe elikhokhelwa nguMnu. Godfrey Tsenengamu owayekubandla leZanu PF.

Kutshoni ukusungulwa kwamabandla aphikisayo ngesikhathi kulungiselelwa ukhetho eZimbabwe?

UMnu. Kwanele Collen Hlabangana, umkhokheli webandla leRepublican Party of Zimbabwe, uthi kulungile ukuba kube lamabandla aphikisayo amanengi elizweni.

UHlabangana uthi amabandla akumelanga avumbuluke ngesikhathi sokhetho abesenyamalala soluphelile.

UNdibali uthi kuhle kakhulu ukuba kube lamabandla aphikisayo amanengi eZimbabwe.

Uthi babevele bekwazi ukuthi kulelinye ibandla elikhokhelwa nguTsenengamu okwakumele libunjwe ngeviki ephelileyo.

Kodwa kulabanye abachothoza ukusungulwa kwamabandla aphikisayo ngesikhathi kulungiselelwa ukhetho. Omunye wabo nguMnu. Mqondisi Moyo, umkhokheli webandla leMthwakazi Republic Party.

UMoyo uthi akhona amabandla abunjwa kusenzelwa ukubisela elibusayo embusweni.

Kukhangelelwe ukuba kuza sungulwa amanye njalo amabandla aphikisayo kusiyafika umnyaka ka2023 okuzakwenziwa khona ukhetho oluqakathekileyo eZimbabwe.

Kulamabandla Amatsha Abunjwa eZimbabwe Ngesikhathi Kulungiselelwa Ukhetho
please wait

No media source currently available

0:00 0:04:56 0:00


Facebook Forum

XS
SM
MD
LG