amalinks wokungena

Breaking News

Ibandla leZanu PF Lidinga Ngamehlo Abomvu Abantu Abafika 5 Million Abazalivotela Ngomnyaka ka2023


FILE:Abalandeli bebandla leZanu PF emhlanganweni weNational Conference owenzelwa eGoromonzi ngomnyaka ka2018.

Ibandla leZanu PF liqhubekela phambili likhankasela ukuthola abantu abedlula izigidi ezinhlanu abangalivotela kukhetho oluzakwenziwa ngomnyaka ka2023.

Ibandla leli lenza imihlangano eminengi ezabelweni zonke eZimbabwe lapho elikhulumisana khona lozulu ngokubhalisela ukuvota.

Inhlanganiso ezizimeleyo zisanda kwenza uphenyo oluveza ukuthi balutshwana kakhulu abantu ababhalisela ukuvota lonyaka.

Bazavela ngaphi abantu abanengi abadingwa libandla leZanu PF?

UMnu. Joseph Tshuma, okubandla elibusayo, owake wamela iPelandaba Mpopoma edale lephalamende, uthi banengi abantu asebeveze ukuba bazabhalisela ukuvota ukuze bavotele ibandla leZanu PF.

Kodwa uMnu. Bekezela Maduma Fuzwayo, ingcwethi kwezombusazwe ozimeleyo, uthi ibandla leli lizakwenza elikukhulumayo ngazo zonke indlela njengoba kubonakala kulabantu abakhulumisana labalandeli balo kulez’insuku ezabelweni ezitshiyeneyo bekhangwa ukuba babhalisele ukuvota.

UFuzwayo uthi kukhanya engani kuzaqunywaqunywa izigaba zokuvota yiZimbabwe Electoral Commission, okungenza ibandla leli linqobe ngenani leli abalifunayo kukhetho oluzakwenziwa ngomnyaka ka2023.

Uthi konke lokhu kwenzakala ngesikhathi amacele amabandla eMovement for Democratic Change elwela izikhundla lokunye okungasoze kubancede kukhetho lolu.

Facebook Forum

XS
SM
MD
LG