amalinks wokungena

Breaking News

Abantu Bathi Amabandla Aphikisayo Ayatshukana Ibandla leZanu PF Libhidliza Ilizwe


UMnu Nelson Chamisa loNkosazana Thokozani Khupe

Kulabantu abathi amabandla aphikisayo eZimbabwe, ikakhulu amacele eMovement for Democratic Change (MDC), ayalwisana okumangalisayo kulokuthi athwalise nzima uhulumende owehluleka ukuvimba ngemfanelo ukumemetheka komkhuhlane weCOVID-19, ukuvuselela umnotho obhidlikayo lokunye, ukubuzisisa ngezivumelwano ezenziwa lilizwe lamanye anjenge China, Belarus, Russia lamanye.

Abachothoza amabandla aphikisayo bathi alwisana sonke isikhathi ngesikhathi uhulumende esenza santando.

Amacele eMDC lokhu ethobelene kulandela isinqumo somthethwandaba esabeka ibandla leli ezandleni zika Nkosazana Thokozani Khupe kwathi uMnu. Nelson Chamisa wasala ebambe owangaphansi.

Amabandla anjenge Zapu, Mthwakazi Republic Party lamanye kukhanya esabalele lobanje ayake etshukane lohulumende kwesinye isikhathi.

Kumele amabandla aphikisayo enzeni ukuze uhulumende kaMongameli Emmerson Mnangagwa asebenze kahle?

Ukuze sihlaziye udaba lolu, sixoxe loMnu. Innocent Ndibali owebandla leEconomic Freedom Fighters Zimbabwe loDokotela Nkululeko Sibanda, isikhulumeli sikamongameli webandla leMDC Alliance.

UNdibali uthi ayayangisa kakhulu amabandla aphikisayo okumele abambane alwisane lokwenziwa libandla elibusayo.

Kodwa uSibanda uthi okuhluphayo yikuthi kugcwele amahlongandlebe kubandla leZanu PF.

Facebook Forum

XS
SM
MD
LG