WASHINGTON DC —
Umongameli Barack Obama ukhangelelwe ukuthi uzafika kwele South Africa ngoLwesihlanu lapho azabe exoxisana khona ngokutshiyeneyo lohulumende we South Africa okwamalanga amathathu.
UObama, okade ekwele Senegal njalo ozakwethekelela ele Tanzania esuka eSouth Africa, ukhangelelwe ukukhulumisana loMongameli Jacob Zuma we South Africa lezinye iziphathamandla zikahulumende ngezokudlelana kwezenotho lokunye oqakathekileyo.
UMongameli Obama ukhangelelwe njalo ukuthi uzakhuluma ngokugula kuka Nelson Rolihlahla Mandela osesibhedlela ePretoria lapho aphethwe khona ngumkhuhlane wofuba lokunye okutshiyeneyo.
UObama utshele intathelizindaba ese Senegal izolo ukuthi uMandela liqhawe lomhlaba wonke jikelele.
Umnu. Ben Rhodes, uDeputy National Security Advisor kwele Melika, utshele iVOA ukuthi uObama uzakhuluma ngombuso we Zimbabwe osolwa kakhulu ngamazwe entshonalanga athi uzulu uyancindezelwa.
URhodes uthi uObama ulakho ukukhuluma ngalokhu lokunye okunengi nge Zimbabwe emhlanganweni kazulu azawenza ejohannesburg okuthiwa yi townhall meeting.
Uthi ele Zimbabwe kumele lenze ukhetho olubalulekileuyo lonyaka ukwenzela ukuthi lithole usekelo lwezenotho lwamazwe athuthukileyo.
Ele Melika lamanye amazwe asentshonalanga afakela uMongameli Robert Mugabe labanye bakhe kubandla le Zanu PF izijeziso zenotho kulandela ukhetho olungenziwanga ngemfanelo ngomnyaka ka 2002.
Sixoxe loMnu. Nkululeko sibanda ingcwethi kwezombusazwe ose Huddersfield University eLondon ngohambo luka Obama. USibanda uthi okuzakhulunywa ngu obama kulakho ukucaphula uMongameli Mugabe.
IVOA izabe ilethulela ebulenjini be internet – okuthiwa yi live stream – lemsakazweni okuzabe kuhlafunwa emhlanganweni we townhall ozakwenziwa nguObama kusasa eJohannesburg.
UObama, okade ekwele Senegal njalo ozakwethekelela ele Tanzania esuka eSouth Africa, ukhangelelwe ukukhulumisana loMongameli Jacob Zuma we South Africa lezinye iziphathamandla zikahulumende ngezokudlelana kwezenotho lokunye oqakathekileyo.
UMongameli Obama ukhangelelwe njalo ukuthi uzakhuluma ngokugula kuka Nelson Rolihlahla Mandela osesibhedlela ePretoria lapho aphethwe khona ngumkhuhlane wofuba lokunye okutshiyeneyo.
UObama utshele intathelizindaba ese Senegal izolo ukuthi uMandela liqhawe lomhlaba wonke jikelele.
Umnu. Ben Rhodes, uDeputy National Security Advisor kwele Melika, utshele iVOA ukuthi uObama uzakhuluma ngombuso we Zimbabwe osolwa kakhulu ngamazwe entshonalanga athi uzulu uyancindezelwa.
URhodes uthi uObama ulakho ukukhuluma ngalokhu lokunye okunengi nge Zimbabwe emhlanganweni kazulu azawenza ejohannesburg okuthiwa yi townhall meeting.
Uthi ele Zimbabwe kumele lenze ukhetho olubalulekileuyo lonyaka ukwenzela ukuthi lithole usekelo lwezenotho lwamazwe athuthukileyo.
Ele Melika lamanye amazwe asentshonalanga afakela uMongameli Robert Mugabe labanye bakhe kubandla le Zanu PF izijeziso zenotho kulandela ukhetho olungenziwanga ngemfanelo ngomnyaka ka 2002.
Sixoxe loMnu. Nkululeko sibanda ingcwethi kwezombusazwe ose Huddersfield University eLondon ngohambo luka Obama. USibanda uthi okuzakhulunywa ngu obama kulakho ukucaphula uMongameli Mugabe.
IVOA izabe ilethulela ebulenjini be internet – okuthiwa yi live stream – lemsakazweni okuzabe kuhlafunwa emhlanganweni we townhall ozakwenziwa nguObama kusasa eJohannesburg.