amalinks wokungena

Breaking News

Isithunywa seUnited Nations Sizahlolisisa Ukubulawa Kwabantu Ngamasotsha Lonyaka eZimbabwe


Omunye wabadutshulwa ngamasotsha lonyaka eZimbabwe.
Omunye wabadutshulwa ngamasotsha lonyaka eZimbabwe.

Inhlanganiso yamazwe wonke jikelele eyeUnited Nations ikhangelelwe ukuthi izahambisa isithunywa sayo kwele Zimbabwe ukuyahlolisisa ukubulawa kwabantu ngebezomvikela kulandela ukutshengisela kukazulu emigwaqweni ekhonona ngesimo esibi somnotho elizweni lonyaka.

UNkosikazi Michelle Batchelet ukhangelelwe ukuthi uzakwethekelela eleZimbabwe ekupheleni kwenyanga yonale.

UNkosikazi Virginia Mabhiza, usibalukhulu wohlangothi lukahulumende olubona ngezemithetho, uthi uhulumende nguye ocele ukuthi uNkosikazi Batchelette ethekelele kwele Zimbabwe.

Lokhu kubikwe liphephandaba leSunday Mail.

Kulabantu abambalwa ababulawa ngesikhathi uzulu etshengisela emigwaqweni emadolobheni.

Uhulumende wathi abantu ababasela ukutshengisela lokhu ngamalunga ebandla leMovement for Democratic Change elikhokhelwa nguMnu. Nelson Chamisa kanye lawenhlanganiso yezisebenzi eyeZimbabwe Congress of Trade Unions.

Uhulumende kaMongameli Emmerson Mnangagwa wathi babefuna ukumsusa embusweni.

XS
SM
MD
LG