amalinks wokungena

Breaking News

UBona Chikore Ukhokhela Ukwabiwa Kwelifa Likayise Umuyi uRobert Mugabe


Umnotho kamuyi uRobert Mugabe uzakwabiwa kusikhatshana esilandelayo ...
Umnotho kamuyi uRobert Mugabe uzakwabiwa kusikhatshana esilandelayo ...

UNkosikazi Bona Chikore, indodakazi kamuyi uRobert Mugabe, usekhethwe ukuthi abe nguye okhokhela ukwabiwa kwelifa likamuyi, owabulawa yisifo semvukuzane.

Sokuzakwabiwa inotho kamuyi uRobert Mugabe ...
Sokuzakwabiwa inotho kamuyi uRobert Mugabe ...

UNkosikazi Chikore, owayethandwa okumangalisayo nguyise owayencoma izifundo zakhe okungapheliyo, ukhethwe ngumthethwandaba lomdeni wakoMugabe.

Ubesemthethwandaba wokwaba amalifa eHarare ngoLwesine lapho abehamba lomkakhe, abanye abambalwa abomdeni kamuyi kanye lonina, uNkosikazi Grace Mugabe, okubikwa ukuthi uyakusekela lokhu.

URobert Junior loBellarmine Chatunga Mugabe, abanawakhe baka Nkosikazi Chikore, kade bengekho emthethwandaba.

Igqwetha labo, uMnu. Terrance Hussein, obephelekezela umdeni wakoMugabe, kakhulumanga lutho ngokungabi khona kwamajaha la emthethwandaba loba belobe incwadi eziveza ukuthi bazasekela okuzakwethulwa ngudadewabo lomthethwandaba.

Sebeqalile ukulungiselela ukwabiwa kwenotho kamuyi uRobert Mugabe
Sebeqalile ukulungiselela ukwabiwa kwenotho kamuyi uRobert Mugabe

Akwaziwa ukuthi uMugabe wayelenotho enganani lobanje iWikileaks yake yabika ebulenjini beInternet ukuthi wayelebhiliyoni lamadola leyinye impahla phandle kwelizwe.

Kubikwa ukuthi uMugabe ubelezigidi ezilitshumi zamadola ebhanga, imota ezilitshumi, ipulazi, izindlu ezimbalwa lokunye endaweni ezitshiyeneyo elizweni.

Abanye abantu bacabangela ukuthi umdeni kamuyi uzaveza inotho encane usenzela ukuvala ukuzonda kukazulu odla ingqweqwe zomlomo esethesa uMugabe icala lokubhidliza ilizwe leZimbabwe.

XS
SM
MD
LG