UMongameli Emmerson Mnangagwa uthi owayengumongameli, umuyi uRobert Gabriel Mugabe, wabulawa yisifo semvukuzane.
Inkampani yezindaba eyeReuters ibika ukuthi Mnangagwa wethule lokhu eNew York kwele Melika ngesikhathi ekhuluma labadabuka eZimbabwe labakubandla leZanu PF.
Kavezanga ukuthi uMugabe wabulawa ngumhlobo wuphi wesifo semvukuzane.
Lokhu ngokokuqala ukuthi uhulumende aveze isifo esabulala uMugabe, owahlala phose inyanga eziyisithupha kwele Singapore engakabhubhi.
Kubikwa ukuthi wakhulelwa ngumkhuhlane lo odokotela baze bekela ukumelapha.
Okwamanje isidumbu sikamuyi sisedolobheni leHarare okwaziwa ngumdeni wakhe.
Isidumbu sakhe sibonakale ngoMvulo edlini yakhe ebizwa ngokuthi yiBlue Roof lapho obekwethekelele uMnu. Julius Malema, okhokhela ibandla leEconomic Freedom Fighters kwele South Africa.
UMugabe wabhubha mhlaka 6 ngoNcwabakazi kwele Singapore. Wasuswa embusweni libutho libambisana lephalamende, ibandla leZanu PF lozulu ngomnyaka ka2017.
Kuthiwa uMugabe wabhubhe efuthelene ngokususwa kwakhe esikhundleni nguMnangagwa, owaphila laye ngesikhathi sempi yenkululeko.