amalinks wokungena

Breaking News

UBiden Wengeza Ngomnyaka Izijeziso Zenotho Ezetheswa Inkokheli Yebandla leZanu PF


President Joseph Biden.

UMongameli Joseph Biden wakwele Melika seyengeze ngomnyaka izijeziso zenotho ezetheswa inkokheli yebandla leZanu PF phansi kweziqondiso zomthetho weNational Emergencies Act.

UBiden wethule lokhu encwadini ayihambise namuhla edale leCongress lapho athe ulandela umthetho othi kumele zesulwe izijeziso nxa engenzanga lokhu kusiyafika mhlaka 6 Mbimbitho.

Uthi uhulumende kaMongameli Emmerson Mnangagwa wephula ilungelo likazulu, ukhahlameza abalandeli bamabandla aphikisayo njalo ubopha santando intathelizindaba.

“Ngakho-ke ngikubone kufanele ukuba ngengeze isikhathi sokuba inkokheli le ibephansi kwezijeziso zenotho kuze kuyefika usuku olufanayo ngomnyaka ozayo.

“Ukuswelakala kwenguquko efunakalayo ukwenzela ukuthi kulandelwe imithetho, kube lohulumende obalulekileyo kwenza ilizwe leMelika lamanye engahlaliseki kwezomvikela. Ngalokho, ngibona kufaneli ukuba siqhubekele phambili ngezijeziso zenotho lezi phansi kweziqondiso zomthetho obizwa ngokuthi yiExecutive Order 13288.”

Izijeziso zenotho lezi zifakelwe abantu abakubandla leZanu PF abangamatshumi ayisitshiyangalombili lantathu – 83 lamankampani angamatshumi amathathi lasikhombisa – 37.

Ilizwe leMelika lafakela inkokheli yebandla leZanu PP lisithi bephula amalungelo kazulu njalo kanaqhubi ukhetho ngemfanelo.

Abanye abakhokheli bakwele Melika abengeza isikhathi sezijeziso zenotho bagoqela uMnu. Barack Obama loMnu. Donald Trump.

Facebook Forum

XS
SM
MD
LG