amalinks wokungena

Breaking News

Sibusiso Moyo: Kazesulwe Izijeziso Zenotho Ezafakelwa Inkokheli yeZanu PF


Retired Major General Sibusiso Moyo

UMnu. Sibusiso Moyo, umphathintambo kahulumende wakwele Zimbabwe obona ngezokudlelana lamanye amazwe, uthi sokumele ilizwe leMelika lesule izijeziso zenotho ezafakelwa abalandeli bebandla leZanu PF.

UMoyo, owethule lokhu eHarare ekhuluma lentathelizindaba, uthi akulazizatho zokuthi izijeziso lezi lingesulwa njengoba sebelungise okunengi okufisa lilizwe leMelika okungaphansi komthetho weZimbabwe Economic and Democracy Recovery Amendment Act.

Umthetho lo usanda kwethulwa nguhulumende weMelika othi kumele ele Zimbabwe lenze ukhetho olubalulekileyo njalo lingephuli ilungelo loluntu.

UMoyo uthi kazincedi lutho izijeziso lezi ezafakwa lilizwe leMelika lamanye esethesa amalunga ebandla elibusayo umlandu wokuthi babesephula ilungelo likazulu njalo bengenzi ukhetho ngemfanelo.

UMnu. Den Moyo, okubandla leMDC-T elikhokhelwa nguNkosazana Thokozani Khupe, uthi uMoyo ukhuluma intanda yakhe.

Facebook Forum

XS
SM
MD
LG