amalinks wokungena

Breaking News

Ababalisi Bathi Kababuyeli Ezikolo Ngenxa Yeholo Eliphansi


Abantwana abafunda kwesinye isikolo eZimbabwe.

Ababalisi bathi kabasoze benelise ukubuyela ezikolo lonyaka ngenxa yokuthi bahola imali ephansi ebenza beyehluleke ukuya emsebenzini njalo lokuphilisa imuli zabo.

Ngakwelinye icele abazali labo bakhala ngokuqonga kwembadalo yendleko zesikolo kanye leyengwalo.

Izikolo zivulwa mhlaka 14 kodwa-ke umumo okhona elizweni ulakho ukuphazamisa ukuvulwa kwazo.

Umkhokheli wenhlanganiso yeAlmagamated Rural Teachers Union Of Zimbabwe (ARTUZ), uMnu. Obert Masaraure, uthi umumo okhona elizweni awuvumeli ukuba izikolo zivulwe kuyonale.

“Ukusebenza kwezikolo singathi kuse Intensive Care Unit, singakhangela akuvumi ukuthi izikolo zivulwe, ababalisi abesenelisi ukuya emsebenzini ngokuswela okokusebenzisa emsebenzini. Abafundi bona sebephambanisekile ekucabangeni ngenxa yesimo womnotho.

“Abazali behluleka ukuthenga okusetshenziswayo ezifundweni zesikolo kanye lemali yokubhadala isikolo. Uhulumende yena ngokwakhe uyehluleka ukuthola imali ngaphansi kohlelo olwe Basic Education Access Model olumele lukhangele abaswelayo, ngakhoke izikolo azisoke zivulwe ngoZibandlela lowu.”

Lokhu kugcizelelwe nguMnu. Vusumuzi Maphosa, umsekeli kamgcinisihlalo kunhlanganiso yeZimbabwe National Educators Union, othi imali ephiwe ababalisi ngenyanga edluleyo iphelile ngakho abalayo eyokugada bephindela emsebenzini.

“Izikolo azisoze zivulwe ngoba ababalisi baku total incapacitation. Imali abacine beyiholisiwe ngoDecember iphelile. Babe leKhisimusi lomnyaka omutsha omubi okumangalisayo ngoba bekungelamali, i$1000 its nothing.

“Abalayo imali yokuthi babuyele ezikolo lalabo abasemadolobheni abalayo imali yokubhadala ifees yabantwana. Abasoze bayefundisa abanye abantwana ababo abantwana bengafundi.”

Umzali olomntwana ofunda koBulawayo, uMnu Nhlanhla Dawu, uthi kalamali yezifundo zabantwana lonyaka.

“Mina njengomzali angikabi ready ukuthi abantwana babuyele ezikolo ngoba imali zakhona azihlangani. Lapha umtanami afunda khona eSt. Patricks, ischool fees sesiyi$888 per term sikwelile from $160, sokufuze sitshaye ama top up ama $728. Imali yakhona iyavela ngaphi ngoba lemali le asiyiholi, sokubuya lama stationery okufuze sithenge, ngitshaya iquotation istationery safika kubo $400, kuzobuya ama school uniforms futhi. Mina vele angikabi ready ukuthi izikolo zivulwe. ”

Uhulumende uthi ababalisi kumele babekezele ngoba uhulumende uzama ukulungisa udaba lwabo lwemali.

Ababalisi Bathi Kabasoze Babuyele Emsebenzini
please wait

No media source currently available

0:00 0:04:39 0:00


Facebook Forum

XS
SM
MD
LG