amalinks wokungena

Breaking News

Ababalisi Bathi Kababuyeli Emsebenzini NgoLwesibili


Ababalisi bathi kababuyeli emsebenzini ngesikhathi abazali abalabantwana abaya ezikolo besithi abenelisi ukuthenga ingwalo lokunye okufunakala ezikolo.

Lokhu sokutshiye ilizwe lonke lithithibele ngokwenzakala elizweni okulezinye njalo izisebenzi ezithi zifuna ukukhalala umsebenzi ngenxa yeholo eliphansi.

Abanye abantwana bahambile ezikolo sama boarding ngoMvulo loba ababalisi besithi kababuyeli emsebenzini.

UDokotela Sifiso Ndlovu, okunhlanganiso yababalisi eyeZimbabwe Teachers’ Association, uthi ababalisi kabakhalali umsebenzi ngoba abalamali yokuthi bagade amabhasi okuya ezikolo.

UNdlovu uthi kababuyeli emsabenzini kuze kulungiswe konke abakufunayo.

Uhulumende ubefuna ukukhuphula iholo lezisebenzi ngokuphindiweyo kodwa izisebenzi ziyalile ukwamukela iholo elikhuphukileyo zisithi zifuna ukuholiswa imali ehambelana lesisindo semali emkambo wokuthenga lokuthengisa imali.

Ukuze sihlaziye loludaba akeziswe uGibbs Dube exoxa loMnu. Japhet Moyo, unobhala jikelele wenhlanganiso yezisebenzi eyeZCTU, UMnu. Joseph Tshuma okudale leCentral Committee kubandla leZanu PF kanye labalandeli bomsakazo weStudio 7.

UMoyo uthi izisebenzi ezinengi sezilala duzane lalapho ezisebenza khona ngenxa yokuswela imali yokugada amabhasi.

UTshuma uthi loba kuzwisa usizi okwenzakala eZimbabwe kumele abantu badonse ndawonye bancedisane ukuze abantwana bathole imfundo efaneleyo.

Umlandeli wohlelo lweZimbabwe Today – Asixoxeni, uNkosazana Baka Tjidzani, uthi unceda abantwana abambalwa abalabazali abehluleka ukuhlawulela ezemfundo.

Ababalisi Bathi Kababuyeli Emsebenzini Ngesikhathi Abazali Bakhala Ngokuswela Imali Yemfundo Yabantwana
please wait

No media source currently available

0:00 0:03:20 0:00


Facebook Forum

XS
SM
MD
LG