amalinks wokungena

Breaking News

Inhlanganiso yeTyson Wabantu Ikhankasela Ukufaka uSaviour Kasukuwere Esikhundleni Sikamongameli


Saviour Kasukuwere
Saviour Kasukuwere

Kulabantu abatsha asebebumbe inhlanganiso abayibiza ngokuthi Tyson Wabantu: The Movement abakhankasela ukuthi ilizwe leZimbabwe likhokhelwe nguMnu. Saviour Kasukuwere, owabaleka eZimbabwe ibutho lihluthuna umbuso ngoLwezi ngomnyaka ka2017.

UKasukuwere walile ukukhuluma ngodaba lolu wathi kumele umsakazo weStudio 7 uxoxe loMnu. Ntokozo Msipha, oyisikhulumeli senhlanganiso le ekhankasa ebulenjini bokuxhumana obeTwitter, iFacebook lezinye inkundla ezithakazelelwa ngabatsha.

UMsipha uthi kusobala ukuthi useyehlulekile ukubusa uhulumende kaMnangagwa, odinga uKasukuwere, uSikhwicamfundo Jonathan Moyo, uMnu. Patrick Zhuwao, okwakuthiwa benza ubukhohlakali obesabekayo bekucele leGeneration 40 kubandla leZanu PF njalo babefuna ukuthi uMnu. Sydney Sekeramayi angene esikhundleni sowayengumongameli uRobert Mugabe hatshi uMnangagwa.

Kasenelisanga ukuxoxa loMoyo, uZhuwao labanye babo ngodaba lolu. Ibandla leZanu PF elisanda kuzwa ngenhlanganiso le lithi abantu abasekela iGeneration 40 yizitha zelizwe.

Sehlulekile ukukhuluma loMnu. Simon Khaya Moyo, isikhulumeli sebandla leZanu PF, obengaphenduli umakhalekhukhwini wakhe.

UMsipha uthi lukhatshana kakhulu ukhetho lokudinga omunye umongamelo eZimbabwe ngakho-ke isikhathi sesifikile ukuthi abatsha benze konke abakufisayo ukuze uKasukuwere angene esikhundleni sikaMnangagwa.

Sebekhankasela Ukufaka uSaviour Kasukuwere Esikhundleni Sikamongameli
please wait

No media source currently available

0:00 0:08:43 0:00


XS
SM
MD
LG