amalinks wokungena

Breaking News

Sebexabana eSouth Africa Kulandela Ukukhethwa Kuka Meya Omutsha eJohannesburg Okuthiwa Uyise Udabuka eZimbabwe


Kulabanye abantu abathi kabamfuni uMnu. Jolidee Matongo. (Credit: Jolidee Matongo Twitter)

Sebexabana okumangalisayo abanye abantu abadabuka kwele South Africa abathi uMnu. Jolidee Matongo, okhethwe izolo ukuba ngumMeya wakwele South Africa, kumele asuswe esikhundleni ngoba uyise udabuka kwele Zimbabwe.

Bayathukana abantu enkundleni yeTwitter lezinye kulabanye abakhankasa besebenzisa ama-hashtags athi #WeRejectMayorOfJHB lethi #PutSouthAfricansFirst.

Bafuna uMatongo aphume aphele ngokutshetsha esikhundleni lesi. Isisekelo sombusa welizwe lakwele South Africa sikubeka sobala ukuba umntwana ozalelwe kulelolizwe olomzali oyedwa odabuka kulelolizwe uyisizalwane selizwe.

Unina udabuka kwele South Africa. Bakhona abakubandla lakhe elubusayo eleAfrican National Congress abathi uMatongo kayindawo.

Abadabuka eZimbabwe abanengi sebengene kuloludaba abanye besithi kaphume esikhundleni kodwa kulabanye abathi kumele abuse eJohannesburg.

Ukuze sizwe okunengi ngodaba lolu, sisoxe loMnu. Bongani Mkhwananzi, isikhulumeli senhlanganiso yeZimbabwean Community in South Africa, othi kuzadlula lokhu okwenziwa ngabantu.

Ingxoxo Esiyenze LoMnu. Bongani Mkhwananzi
please wait

No media source currently available

0:00 0:02:53 0:00


Facebook Forum

XS
SM
MD
LG