amalinks wokungena

Breaking News

Kwenziwa Isikhumbuzo Sika Sylvia Maposa Owadutshulwa Ngamasotsha eZimbabwe


Umuyi uNkosikazi Sylvia Maposa

Kwenziwe isikhumbuzo ngoMgqibelo esikamuyi uNkosikazi Sylvia Maposa owadutshulwa ngamasotsha kusanda kwenziwa ukhetho eZimbabwe. Bekugcwele izihlobo labangane embuthanweni lo owenzelwe eHarare.

Abekade bekulomkhosi owenzelwe emzini kamuyi eWaterfalls bachaze umuyi njengomuntu owayelothando, okhonzayo njalo owayengumazithulela lanxa engekho oke wathinta phezu kwendlela yokubhubha kwakhe.

Yehlule imizamo yonke yokuzama ukukhulumisa abantu abakade besemkhosini lo abatshengise ukwesaba okumangalisayo.

Uninazala kamuyi uchaze uNkosikazi Maposa njengomuntu owayeziphethe kahle.

Uqonqosele ukuthi imuli eseleyo kumele ilandele izenzo zika Nkosikazi Maposa zokuthembela kuNkulunkulu.

Abezinkolo ezehlukeneyo labo babuye ngobunengi babo ukuzeduduza abafelwe yinsika yomuzi.

UMfundisi Useni Sibanda utshele iStudio 7 ukuthi uhulumende kumele axolise ngokubulawa kuka Nkosikazi Maposa labanye lobanje sokulekhomishini ehlolisisa udaba lolu.

UMfundisi Sibanda uthi akumelanga abantu abafelwa yizihlobo zabo bethuselwe nguhulumende.

UMnu. Believe Gaule webandla leZanu PF uthi kulilungelo labantu abafelwa yizihlobo zabo ukuthi benze izikhumbuzo zabo.

Uphinde wathi izihlobo zabantu abadutshulwa ngamasotsha ziyavunyelwa ukukhuluma lentathelizindaba.

Uhulumende usebumbe ikhomishini ehlolisisa loludaba. Abantu abayisithupha babulawa ngamasotsha ngesikhathi kulabanye ababetshengisela eHarare besola ukuphuza kokwethulwa kwempumela yokhetho lukamongameli olwenziwa mhlaka 30 Ntulikazi.

UMongameli Emmerson Mnangagwa usethembise ukuthi uzakwethulela uzulu impumela yinhlolisiso le.

Udaba Esilethulelwe NguMavis Gama
please wait

No media source currently available

0:00 0:03:51 0:00

Facebook Forum

XS
SM
MD
LG