amalinks wokungena

Breaking News

Abantu Abanengi Bavalelisa uSis Bee Obelamabhizimusi Athengisa Ukudla


Bavalelisa uBeauty Mpofu obengusomabhizimusi koBulawayo. (Photo: Ezra Sibanda)

Izakhamizi zako Bulawayo, ezigoqela iziphathamandla zikahulumende, inkokheli zika manispala wako Bulawayo labamabhizinisi babuye ngobunengi babo bathi gwaqa eAmphitheatre bezovalelisa uNkosazana Beauty Mpofu, olemkulu yakhe yokudla edume koBulawayo ngokuthi KoSis Bee's Kitchen.

Ubekwe ngoLwesihlanu emangcwabeni eLady Stanley Cemetery koBulawayo.

UBeauty Mpofu wabhubhela esibhedlela seMater Dei Hospital ngoLwesihlanu odlulileyo esegule okwesikhathi eside ehlutshwa ngumkhuhlane wezinso.

Basesililweni sika Beauty Mpofu obelamabhizimusi koBulawayo. (Photo: Ezra Tshisa Sibanda)
Basesililweni sika Beauty Mpofu obelamabhizimusi koBulawayo. (Photo: Ezra Tshisa Sibanda)

Inengi labakhulume emngcwabeni kaSis Bee baveze ukudabuka kwenhliziyo besithi lokhu yikulahlekelwa kakhulu komuzi wako Bulawayo njalo lelidolobho liyasala lilesizungu. UMphathintambo wedolobho lako Bulawayo, uNkosikazi uJudith Ncube, ngomunye wabakhulume kulumkhosi.

"Umam' u Sis Bee waba ngomunye owaba i-input enkulu kakhulu, because njengo Bulawayo we want to promote i-community tourism."

Umsekeli kaMayor wako Bulawayo, uCouncillor Mlandu Ncube, uncome uSis Bee ngemisebenzi yakhe kumuzi wako Bulawayo.

"Ngithi uBulawayo ulahlekelwe kakhulu sibili ngumuntu okade esiphekela njalo eqhatsha izizalwane zikamthwakazi. Sizwa ubuhlungu kakhulu njengedolobho,kodwa umoya wethu ududuzekile lapho inzalo yakhe abantwabakhe besithi bona bazaqhubekela phambili nge-vision.Ngoba uSis B was creating employment for our people and ukudla kwakhe kwakusiphakamisa kakhulu."

UBeauty Mpofu obelamabhizimusi amanengi koBulawayo. (Photo: Ezra Sibanda)
UBeauty Mpofu obelamabhizimusi amanengi koBulawayo. (Photo: Ezra Sibanda)

UCouncillor Sikhululekile Moyo weWard 17 ePumula koBulawayo, ugcizelela amazwi kaNcube.

"Njengomama ngizwa ubuhlungu ngoba umama uSis B ubeyintombi ebisebenza njalo ikhangelele ukuthuthukisa uBulawayo.Njalo ikhangelele ukuncedisa abanye labo abekade sebaqhatshile. Engumama njalo otshengise ukuthi ukuba ngumama uyenelisa ukusukumisa isigaba sakho uBulawayo, ngokudla nje ukupheka isitshwala esilobunono lokudla kwesintu okuqakathekileyo."

USis Bee wanikezwa imendulo, ama awards, amanengi ngenxa yesiphiwo sokupheka. Owake wabangu mongameli weZimbabwe National Chamber of Commerce, uMnu Obert Sibanda, laye udabukile.

Bavalelisa uBeauty Mpofu obelamabhizimusi koBulawayo. (Photo: Ezra Sibanda)
Bavalelisa uBeauty Mpofu obelamabhizimusi koBulawayo. (Photo: Ezra Sibanda)

"UBulawayo ulahlekelwe kakhulu,not only ukuthi ubengumuntu opheka kuhle.Kodwa ulahlekelwe ngumuntu okade abantu bekhangelele kuye ukuthi bafunde kuye ibusiness,iqhawekazi le-business. Sithi uSis B was a heroine okokuthi abantu abanengi bebengam'nanzeleli babemthatha njengomuntu ohlekayo kuphela. But thina esasihlezi laye sazi nanzelela ukuthi she was far much bigger."

Izisebenzi zika Sis Bee zihlulukelwe okwamagama. UNkosazana Patience Masuku usebenze loSis Bee okwesikhathi eside.

"Mina ngizwa ubuhlungu kakhulu ngokulahlekelwa ngumama kimi, uDirector, i-Mentor. She was everything kweyami impilo,I worked with umama for almost ten years. Ngiyi waitress wangisusa lapho ngaba yi head waitress, ngaba yi-supervisor, ngaba ngu-marketing manager wakhe. Umama bought me up to where l am today."

UBeauty Mpofu utshiye abantwana abane, umfana oyedwa lama ntombazana amathathu njalo abantwana bakhe bathembise ukusebenza bemanyene beqhubekelisa phambili imkulu yakhe yokudlela.

Usengwatshiwe uSis Bee
please wait
Embed

No media source currently available

0:00 0:03:38 0:00


Facebook Forum

XS
SM
MD
LG