amalinks wokungena

Breaking News

Uyakhala Umama Olumntwana Owayelisotsha eMelika Owabhubha Esesiya Esikolo


Nandi

Odabuka kwele Zimbabwe owabhujelwa ngumntwana owayekubutho, uNkosikazi Beke Nkiwane, uthi amapholisa asephuzile ukwethula inhlolisiso yokwehlela umntanakhe, uNkosazana Nandipha Nkobi, owatholakala nyakenye edutshulwe emoteni yakhe duzane lenkamba yebutho esabelweni se-El-Paso kwele Melika.

UNkosikazi Nkiwane uthi kasakwazi ukuthi enzeni ngemfa yomntanakhe owayesephuma kubutho esesiya esikolo.

“Amapholisa kawangiphenduli ngingaze ngitshiye imilayezelo emafonini abo. Akusaqedakali ukuthi kuhamba njani ngoba sifuna ukuba kwazi ukuthi umntwana wabulawa yini.”

Wayehlala lendoda ngesikhathi ebhubha. Kasenelisanga ukukhuluma lendoda le kanye lamapholisa ngodaba lolu.

UNkosikazi Nkiwane uthi inhliziyo yakhe idabukile ngokubhubha kwendodakazi yakhe.

“Kubuhlungu ukuhlala ungazi okwehlela umntwana. Inhliziyo yami ibuhlungu kakhulu ngokubhubha kwakhe langokwenziwa ngamapholisa. Sazama ukudinga umuntu ozimele yedwa ukuba aphendle udaba lolu kodwa konke lokhu kumile ngoba amapholisa asaludingisisa.”

Ingxoxo Esiyenze LoNkosikazi Beke Nkiwane
please wait

No media source currently available

0:00 0:03:25 0:00

Facebook Forum

XS
SM
MD
LG