amalinks wokungena

Breaking News

Abatshayeli Bezimota Ezinkulu Bathwele Amagabha Avuzayo eSouth Africa


FILE - Banengi abatshayeli bezimota ezinkulu abadabuka eZimbabwe abasebenza kwele South Africa.

Abatshayeli bezimota ezinkulu eThekwini kwele South Africa abadabuka kwamanye amazwe bathi bathwaliswe nzima yizizalwane zakulelolizwe ezithi kumele baphume bephele kwele South Africa ngoba bathatha imisebenzi yabo.

Abatshayeli abakhulume leStudio 7 bathe kumele uhulumende weSouth Africa angenele ngenxa yokuthi kungaqhamuka udlakela olwesabekwayo nxa lokhu kungalungiswanga ngesiphangiphangi. Kubikwa ukuthi abatshayeli abavela kwele Zimbabwe, eMalawi leMozambique abatshayela izimota zamankampani eSouth Africa, sebesesaba ukutshayela izimota eDurban leCape Town.

Kulabantu okubikwa ukuthi bathwaliswe nzima njalo yizizalwane zakwele South Africa edolobheni leCape Town lapho okuthiwa benza ubudlova obumangalisayo. Izizalwane zakwele South Africa zithi abantu bokuza sokumele babuyele lapho abadabuka khona.

Kukhanya engani lokhu kulokuthula eGoli lezinye indawo.

Omunye wabatshayeli, uSolomon, ocele ukuthi sisebenzise igama lakhe kuphela ngenxa yokwesaba ukuthi engagangadwa ngabakhonona ngokuthathelwa imisebenzi ngabantu bokuza, utshele iVOA Studio 7 ukuthi uselubhekise ekhaya ngoba wesaba ukubulawa ngabantu abafuna umsebenzi wokutshayela izimota eThekwini.

“Kunzima lapha ngoba basithwalise nzima. Bathi singaMatshangani kumbe aMakwerekwere. Abafuni ukuthi abantu bokuza batshayele izimota ezilabanikazi abadabuka kwele South Africa. Ngike ngabhekana lakho lokhu eDurban duzane lalapho okugwazwe khona odabuka kwele Zimbabwe obetshayela imota enkulu. Sesidlela evalweni mfowethu.”

Abatshayeli abambalwa labo bathe sokusesabisa ukutshayela imota ezinkulu kwele South Africa ngoba balakho ukubulawa ngabadabuka kulelolizwe.

Facebook Forum

XS
SM
MD
LG