amalinks wokungena

Breaking News

Kusungulwa Uhlelo Lokusiza Izizalwane zeZimbabwe Kwele South Africa


Kusungulwa uhlelo lokunceda uzulu eZimbabwe

Inhlanganiso elwela amalungelo ezizalwane zeZimbabwe esezihlala kwele South Africa eyeZimbabwe Diaspora Foundation, isisungule uhlelo lokuphathisa amalunga adinga usizo lwesiphangiphangi endaweni ezitshiyeneyo kweleSouth Africa, kanti isiqalile njalo ukuqoqa imali ezasetshenziswa kuloluhlelo.

Linhlanganiso ebunjwe ngo 2015, ithi ububi besimo somnotho kwele South Africa, ukuswelakala kwemisebenzi, ukwanda kwemikhuhlane, ukwanda kwezehlakalo zokuchasana ngobuzwe, ukuqiniswa kohlelo lukahulumende lokubopha abaselizweni ngokungekho emthethweni lokunye, sekubangele ukuqonga kwenani lezizalwane zeZimbabwe ezidinga usizo lwesiphangi phangi kodwa zingalutholi.

Obona ngokuqoqwa kwenhlelo zeZimbabwe Diaspora Foundation, uNkosazana Nobalozwi Moyo, uthi bafuna ukupha usizo kuloba ngubani odabuka eZimbabwe.

“Utholukuthi kwesinye isikhathi abantu bayabotshwa abawazi amarights abo ngama documents. Recently kuke kwaba lexenophobia, abantu bayabe bedinga usizo. Abanye kwesinye isikhathi utholukuthi may be bayatshelwa zindayo lapho abahlala khona, basuke baswele la abangayahlala khona. Sifisa ukuthi uzulu wonke weZimbabwe athole ukusizakala ngesikhathi.”

Umkhokheli weZDF, uMnu. Azaria Dube Nduna, uthi uhlupho oluseZimbabwe selubangele ukuthi kugcwale izizalwane zeZimbabwe endaweni zonke zakweleSouth Africa.

“Sifuna every province yala eMzansi Africa, mayibe no province diaspora coordinator. Uzothi ma kusenzakala ingozi asheshe asazise thina, iZimbabwe Diaspora Foundation, kusuke abantu benemali zokuthi bayesiza la okwenzeke ingozi abantu bethu bangahlupheki for isikhathi eside kakhulu”

Unkosazana Moyo uthi zinengi indlela abazihlelele labo abafuna ukubambisana labo kuloluhlelo.

“Sicela ukuthi umphakathi usisize ngamadonationas like lingasisiza ngama R12 through ama SMS. And then kwabanye abantu abasebenzayo lilakho ukuthi lisisize ngama R20 every month. Silama accounts ethu eCapitec leFNB. Obusiness men bayakwazi ukuthi basixhume through iwebsite yethu.”

Kantike umnumnzana Nduna uthi benze konke okudingakalayo ukuze kungabi lamathuba okuhuquluza imali lezinye impahla abayabe beziphiwe ukuthi basize uzulu.

“I organization yethu leyi it’s registered long back. Abantu bake basibona sisiza abantu ma kuvela ingozi. Sizofuna uChief Accountant aphume emphakathini, ozobe eliphathela izimali. Sile FNB leCapitec wonke they are registered alamasignatories abantu abale i organization, ayizange yasayinwa ngumuntu oyi 1. Ukhona ozobe ebheke imali ukuthi isebenza kanjani.”

AbeZimbabwe Diaspora Foundation bathi isigaba sakuqala sohlelo lwabo lolu bakhangelele ukuhamba endaweni zonke zakweleSouth Africa behlangana labantu bebafundisa ngamalungelo abo kanye lokwethula inhlelo zenhlanganiso le emphakathini.

Udaba Esilethulelwe NguBenedict Nhlapho
please wait

No media source currently available

0:00 0:02:58 0:00


Facebook Forum

XS
SM
MD
LG