amalinks wokungena

Breaking News

Kumele Bahlale eZimbabwe Na Abazama Ukuyasebenza eSouth Africa Abavinjwe Ngamasotsha eBeitbridge?


FILE: Bayahlupheka abantu bakwele Zimbabwe ngenxa yokugugudeka komnotho lokunye. (AP Photo/Tsvangirayi Mukwazhi)

Kulabanye abantu abadabuka eZimbabwe abahlala kwele South Africa abathi sesifikile isikhathi sokuthi belungise okubahluphayo elizweni labo kulokuthi bekhahlanyezwe nguhulumende wakwele South Africa okwamanje ovale ngci eBeitbridge.

Banengi abathi sebekhathele yikuhlukunyezwa kwele South Africa njalo lasekhaya nguhulumende kaMongameli Emmerson Mnangagwa. Bathi okwenzakala emgceleni wakwele Zimbabwe lele South Africa kuveza ukuba kulohlupho olukhulu eZimbabwe, ikakhulu kwezombusazwe.

UMnu. Bongani Mkhwananzi, okunhlanganiso yeZimbabwe Community in South Africa, uthi kumele abadabuka eZimbabwe belungise okubahluphayo kulokuthi bathwale nzima kwele South Africa.

UMkhwananzi uthi kuyasinda okubhekane lezizalwane zeZimbabwe.

Lokhu kusekelwa nguNkosazana Wendy Nkomo othi sekumele abantu belungise okubahluphayo eZimabwe.

UMnu. Sipho Ngulube uthi abantu kabasakwazi okumele bekwenze ngenxa yokudubeka.

Okubandla leZanu PF,Malaki Nkomo, uthi kumele abadabuka eZimbabwe bezame ukulungisa okubahluphayo elizweni labo.

Lokhu kusekelwa nguMnu, Believe Gaule, othi sokonakele kwele South Africa.

UGaule uthi konke lokhu kudalwe njalo yikumemetheka komkhuhlane weCOVID-19.

Kubikwa ukuba kulabantu abadabuka eZimabbwe abafika phose inkulungwane ababanjwe eBeitbridge bezame ukungena kulelolizwe okungekho emthethweni.

Kuyaxokozela eBeitbridge Okulabadabuka eZimbabwe Abaxotshwe Kwele South Africa
please wait

No media source currently available

0:00 0:04:32 0:00


Facebook Forum

XS
SM
MD
LG