amalinks wokungena

Breaking News

ANC: Kumele Amazwe Kuzwekazi leAfrica Alungise Okwenzakala eZimbabwe


FILE: Abasekeli bebandla leAfrican National Congress, Johannesburg, South Africa, May 5, 2019.

UNkosazana Lindiwe Zulu, umgcinisihlalo wohlangothi olubona ngezokudlelana lamanye amazwe kubandla leAfrican National Congress, uthi kukhangelelwe ukuthi izwekazi leAfrica lizalungisa okuhluphayo eZimbabwe.

UNkosazana Zulu uthi ibandla leANC liyakwazi ukuthi kulokuhluphayo kwezombangazwe kwele Zimbabwe ngakho-ke kufanele ukuthi amazwe wonke kuzwekazi leAfrica ancedise ukuthi kubelokuthula eZimbabwe, okulabaphikisayo abathi okwamanje bathwaliswe nzima nguhulumende kaMongameli Emmerson Mnangagwa, obopha abantu mahlayana.

Uphinde wathi ulethemba lokuthi izithunywa zikaMongameli Cyril Ramaphosa zizaphatha ngemfanelo udaba lwelizwe leZimbabwe, okulabanye abathi kuyamangalisa ukuthi uNkosikazi Baleka Mbete loMnu. Sydney Mufamadi, bafike kwele Zimbabwe bakhulumisana kuphela loMnangagwa bebuyela kwele South Africa.

UNkosazana Zulu uthi okoniwa ngomlomo kulungiswa ngawo futhi.

UMnangagwa usanda kubika ukuthi abantu abathi bakhahlanyezwa nguhulumende wakhe yizikliwi ezifuna ukumsusa esikhundleni okungekho emthethweni. Uthi abantu laba ngamalwecatsha alwisana laye okungelangqondo.

Inhlanganiso yamagqwetha eyeZimbabwe Lawyers for Human Rights ithi sokubotshwe abantu abafika phose amatshumi ayisithupha elizweni kulandela ukutshengisela okwakuqoqwe ngabantu bekhonona ngobukhohlakali lokunye.

Ithi abanye abantu ababeqoqa lokhu babotshwa, batshaywa kabuhlungu kwathi abanye babaleka ezindlini zabo. Kulabanye okuthiwa sebehlala emahlathini lezintabeni bebalekala amasotsha lamapholisa avimba abantu ukuthi batshengisele ekupheleni kuka Ntulikazi.

Ingxoxo Esiyenze loNkosazana Lindiwe Zulu Wakwele South Africa
please wait

No media source currently available

0:00 0:02:10 0:00


Facebook Forum

XS
SM
MD
LG