UMongameli Emmerson Mnangagwa uthi kumele kubelokuthula kwele South Africa ukwenzela ukuba abantu bahlalisane kahle ezansi yezwekazi leAfrica.
UMnangagwa, owethule umbiko lo enkundleni yokuxhumana eyeTwitter, uthi ubudlwangudlwangu obenzakala kulelolizwe buphehla udlakela kwamanye amazwe agoqela eleZimbabwe.
IReuters News Agency ibika ukuba sokulabantu abafika amatshumi ayisikhombisa abafe kwele South Africa ngesikhathi kulabatshengisela emigwaqweni abanye betshontsha ezitolo. Kubikwa ukuba sekubotshwe abedlula inkulungwane ezinthathu – 3,000.
UMnu. Elifasi Mashaba, okubandla leZanu PF, uthi uMnangagwa uyitshaye ekhaleni.
Kodwa odabuka uMnu. Sipho Ngulube, odabuka eZimbabwe ohlala kwele South Africa, uthi uMnangagwa akumelanga akhulume ngodaba lolu ngoba uhulumende wakhe ukhahlameza uzulu.