amalinks wokungena

Breaking News

Sebedlela Evalweni Abadabuka eZimbabwe Abahlala Kwele South Africa Ngodlame Oluzayo


FILE: Odabuka kwele Zimbabwe ukhathele ngokutshiswa kwemota yakhe ngabadabuka kwele South Africa, April 19, 2015.

Abantu abadabuka eZimbabwe labanye abokuza abahlala kwele South Africa bathi sebedlela evalweni kulandela imibiko ethi kungaqhamuka udlakela kulelolizwe ngoMvulo.

Bathi kukhanya engani kulabadabuka kwele South Africa abafuna ukungena emafekithali leminye imisebenzi bedinga abantu bokuza abasebenza bengalamaphepha oqondileyo okuhlala lokusebenza kulelolizwe.

Abake babona udlakelwa olumangalisayo olwenzakala ngomnyaka ka2008 kwele South Africa, okwabulawa abantu abangamatshumi ayisithupha lambili, bathi kucatshangelwa ukuthi kungaba lolunye udlakela lokukhahlameza abantu bokuza mahlayana.

Kodwa-ke kulezinye izizalwane zakwele South Africa, ikakhulu ezitshayela imota ezinkulu eziya kwamanye amazawe, ezithi akumelanga kukhahlanyezwe abantu bokuza.

Kusenjalo, izifundi ezinengi kwele Nigeria namuhla bezivimbe phandle kwezitolo zabantu abadabuka kwele South Africa zisithi kumele bakhuze abanye babo ekhaya ukuthi bengakhahlamezi abantu abadabuka kwele Nigeria.

Ingxoxo Esiyenze Labantu Abadabuka eZimbabwe Abahlala Kwele South Africa
please wait

No media source currently available

0:00 0:02:08 0:00

Facebook Forum

XS
SM
MD
LG