amalinks wokungena

Breaking News

Ukubhubha Kuka Meya uJolidee Matongo Kudabula Inhliziyo Zabantu Abanengi


President Cyril Ramaphosa of South Africa visited Soweto on Saturday with the late Johanneburg mayor, Jolidee Matongo, who died in a tragic car accident. (Screen Shot: Cyril Ramaphosa's Twitter Account)
President Cyril Ramaphosa of South Africa visited Soweto on Saturday with the late Johanneburg mayor, Jolidee Matongo, who died in a tragic car accident. (Screen Shot: Cyril Ramaphosa's Twitter Account)

Bayakhala kwele South Africa ngokubhubha kuka meya wedolobho leJohannesburg, uJolidee Matongo, olomzali abadabuka eZimbabwe.

UMatongo ufele engozini yemota ngoMgqibelo ntambama. UMatongo uqede usuku lonke izolo eseSoweto lomkhokheli webandla lakhe eleAfrican National Congress, loMongameli Cyril Ramaphosa bekhankasela ukhetho oluzaqhutshwa ngoLwezi.

Isiphathamandla sebandla le ANC umnumnzana Dada Murero utshele abezindaba ukuthi ngemva kwalo umkhankaso imota kaMatongo ingqikilane lenye ebizama ukuvika umuntu obeseqa umgwaqo. Umeya uhle wabhubha ngalesosikhathi kwathi onogada bakhe ababili lomtshayeli wemota engqikilane leyakhe bathwalelwe esibhedlela.

URamaphosa wethule umbiko ethi wethukile njalo udabuke kakhulu ngokubhubha kuka Matongo. Abamabandla aphikisayo labo bethule amazwi enduduzo besithi kubhubhe indoda ebikhuthele kakhulu.

Umkhokheli wenhlanganiso yabeZimbabwe kwele South Africa, uMnu. Ngqabutho Mabhena, uthi badabukile kakhulu.

“NgolweSithathu yenalowu bekufanele sibe lomhlangano lomeya lapho akade ebize khona izizalwane ezivela kwamanye amazwe. Besikhangelele ukuthi xoxisane ngendlela ababuya kwamanye amazwe abaphethwe ngayo eJohannesburg.”

Leyinto egcizelelwa ngesinye isizalwane seZimbabwe, uMnu. Nkosilathi Ncube.

“Besilehope yokuthi lathi esihlala sitshwaywa lapha kuthiwa singabantu bokuza sizake sithole ukuphumula. Yebo ubengumSouth African kodwa ubezaba lakho ukuthi abe nguJoseph wethu.”

Ukukhethwa kukaMatongo njengoMeya, kwavusa umsindo omkhulu enhlelweni zokuxhumana ku-social media, inengi labantu lisola ibandla leANC ngokukhetha uMatongo besithi ngumuntu wokuza. Uyise udabuka eZimbabwe kuthi unina ngowakwele South Africa. UMatongo wazalelwa eSowetho. Ubelenyanga kuphela esesikhundleni sikameya wedolobho leJohannesburg.

XS
SM
MD
LG