amalinks wokungena

Breaking News

Izifundi Zakwele South Sudan Ezisanda Kuphutsha Izifundo Eziphezulu eNUST Zehluleka Ukubuyela Ekhaya


Seiphelelwe ngamandla izifundi ezidabuka kwele South Sudan eziphutshe izifundo ekolitshini leNational University of Science and Technology koBulawayo eZimbabwe. (Photo: Ezra Tshisa Sibanda)

Izifundi ezilitshumi lane – 14 ezidabuka kwele South Sudan zithi uhulumende ziyehluleka ukubuyela ekhaya ngenxa yokuswela imali yokugada indizamtshina.

UMakuei Maker Chuny, omele izifundi lezi eziphutshe imfundo yaphezulu ekolitshini leNational University of Science and Technology koBulawayo ngoLwesihlanu, zithi sezizame ngamandla wonke ukudinga imali yokugada indizamtshina kuhulumende wazo kodwa kuyehlula.

UChuny uthi sebecela uMongameli Salva Kiir ukuba angenele ukuze zibuyele ekhaya ziyesebenzela uzulu. Kasenelinga ukuxoxa ngodaba lolu leziphathamandla zikahulumende wakwele South Sudan ezisebenza esigodlweni selizwe leli eHarare ngoba bebengaphenduli omakhalekhukhwini.

UChuny uthi bazacina bengena ngenkani esigodlweni selizwe leli eHarare ukwenzela ukuba banikwe imali yokuthenga amatikiti okugada indizamtshina.

Ingxoxo Esiyenze loMakuei Maker Chuny Odabuka Kwele South Sudan
please wait

No media source currently available

0:00 0:03:29 0:00


Facebook Forum

XS
SM
MD
LG