UMfundisi, owaziwakhulu ngokuchothoza uhulumende kaMongameli Emmerson Mnangagwa olimele okumangalisayo engozini yomgwaqo, uthi amapholisa ensitha yiwo abefuna ukumbulala.
UMfundisi Talent Chiwenga wethule umbiko lo ngoLwesine kumabonakude esesibhedlela engakahlinzwa lapho alimele khona.
Uthi ubone abantu bemlandela eMasvingo njalo waphose wathuzwa yimota etshayela esiye eHarare okwenze ukuthi imota yakhe ibhewuke ibulale umkakhe labanye abehamba labo.
UMfundisi Chiwenga walobela uMnangagwa incwadi ekhonona ngabantu abamlandelayo sonke isikhathi kulandela intshumayelo zakhe ezichothoza uhulumende.
Kasenelisanga ukukhuluma ngodaba lolu lamapholisa abike ngoLwesithathu ukuthi uChiwenga wayegijima kakhulu ngemota ingakamlahli phansi. UChiwenga uyakuphikisa lokhu.
Uthi wephuke isandla, inqulu zombili njalo walimala ekhanda.