amalinks wokungena

Breaking News

Abaphathi Bezikolo Bakhuthazwa Ukuthi Bakhalale Umsebenzi Njengalokhu Okwenziwa Ngababalisi eZimbabwe


USikhwicamfundo Sifiso Ndlovu

Inhlanganiso yeZimbabwe Teachers’ Association (ZIMTA) ithi kumele abaphathi bezikolo bame ukuya emsabenzini njengoba ababalisi bekhalala umsebenzi.

Umqondisi weZIMTA, uSikhwicamfundo Sifiso Ndlovu, uthi abaphathi bezikolo abenelisi ukukhangela okwenziwa ngabantwana okungenza beganga njalo bathelelane lomkhuhlane weCOVID-19.

UNdlovu uthi kulababalisi abedlula inkulungwana ezedlula ikhulu – 100,000 abakhalala umsebenzi befuna iholo elikhuphukileyo.

Lokhu kusekelwa nguMnu. Nation Mudzitirwa, okunhlanganiso yeAmalgamated Rural Teachers of Zimbabwe, othi kumele ababalisi bonke bekhalale umsebenzi ngoba sebeyinhlekisa emhlabeni wonke jikelele.

Kulabazali abanengi abasekela okwenziwa ngababalisi abathi kunzima ukuthi befundise abantwana belambili njalo bengelamali yokugada amabhasi lemitshova.

Besaba lokuthi abantwana bangathelelana umkhuhlane weCOVID-19 njengoba kungelazinto zokubavikela kugciwane leCoronavirus.

Bayakhala Ababalisi eZimbabwe
please wait

No media source currently available

0:00 0:04:30 0:00


Facebook Forum

XS
SM
MD
LG