Abanye abantu bayathandabuza ukuthi ibandla leMovement for Democratic Change (MDC-T) elikhokhelwa nguNkosazana Thokozani Khupe lelika Mnu. Nelson Chamisa eleMDC Alliance angamanyana alwisane lele Zanu PF.
Bethule lokhu kulandela ukumanyana kwabatsha bamabandla la abathethe isigodlo seMDC-T eHarare esaziwa ngokuthi yiHarvest House esesibizwa ngokuthi yiMorgan Richard Tsvangirai House.
USikhwicamfundo Nkululeko Sibanda, okubandla leMDC Alliance, uthi bazimisele ukusebenza lamabandla wonke aphikisayo, agoqela eleMDC-T.
Kodwa uNkosazana Vivien Nomalanga Bhebhe, olwela amalungelo kazulu, uthi kuyayangisa okwenziwa libandla elikhokhelwa nguChamisa elichothoza elika MaKhupe ukuthi kukhanya selidlelana lele Zanu PF bona bebambisana lamalunga eGeneration 40.
UMnu. Nkululeko Gwabalanda Mathe, okubandla leMthwakazi Republic Party, uthi kumele abalandeli bamabandla la bazinuke amakhwapha ngoba sokonekele eZimbabwe, okulabantu abehluleka ukuziphandela ukudla.
Umthethwandaba usunike ibandla leMDC-T invumo yokususa abahluthune isakhiwo seMorgan Richard Tsvangirai House.
