amalinks wokungena

Breaking News

UMaKhupe Ubophisa uMwonzora Esithi Akumelanga Anikwe iZWL$150 Million Eyabelwe iMDC-T Nguhulumende


Nkosazana Thokozani Khupe

UNkosazana Thokozani Khupe usemangalele uMnu. Douglas Mwonzora edale leHigh Court esithi akumelanga uMwonzora labanye bakhe banikwe imali nguhulumende efika phose izigidi ezilikhulu lamatshumi amahlanu amazola ZWL$150 million ayabiwa phansi komthetho owePolitical Parties (Finance) Act.

UMaKhupe uthi uMwonzora akumelanga anikwe imali le luhlangothi olubona ngezemithetho laphalamende lohlangothi olubona ngokusetshenziswa kwemali yelizwe.

Amaphepha aphanyekwe nguMaKhupe edale leHigh Court aveza ukuba uthi nguye osekhokhela elinye icele lebandla leMDC-T kulandela ukuzixotshisa kuka Mwonzora owalobela iZimbabwe Electoral Commission eyazisa ngokuthi usezibambe esidukwini kumanyano weMDC Alliance.

UMaKhupe utshele umthethwandaba ukuba ibandla lakhe lathola amavoti alinani elenza bathole ZWL$149,850,000.00 phansi komthetho wePolitical Parties (Finances) Act (Chapter 2:11).

Kodwa icele elikhokhelwa nguMwonzora lithi uMaKhupe wenze ihlazo ngokubikela uzulu ukuba usekhokhela elinye icele leMDC-T.

UMnu. Witness Dube, obona ngokwethulwa kwemibiko kubandla leli, uthi uMaKhupe uxotshwe ngoLwesihlanu ukuba lilunga lebandla leMDC-T ngakho-ke ukhuluma angakwaziyo.

Facebook Forum

XS
SM
MD
LG