amalinks wokungena

Breaking News

Uzulu Kethuswa Yikugula Kuka Mugabe LoTsvangirai Abazancintisa Kukhetho Okuzayo


Movement for Democratic Change (MDC-T) leader Morgan Tsvangirai and Zanu PF's Robert Mugabe (AP Photos/Collage by Ntungamili Nkomo)

Abanye abantu kwele Zimbabwe bathi kabalandaba lokugula kukaMongameli Robert Mugabe loMnu. Morgan Tsvangirai abadinga ukuvotelwa nguzulu kukhetho lukamongameli oluzakwenziwa ngomnyaka ozayo.

Abaphendule umbuzo ebulenjini bokuzilibazisa obeTwitter kukhasi leVOA Studio 7 kunsukwana ezisanda kwedlula, baveze imibono etshiyene kancane ngokugula kukaMugabe loTsvangirai.

Abayisilinganiso sokungamatshumi amane lambili ekhulwini – 42 percent – bathi kuyabakhathaza ukugula kwabo kwathi abayisilinganiso sokungamatshumi amane lasikhombisa ekhulwini – 47 percent – akubahluphi.

Abayisilinganiso sokulitshumi lanye ekhulwini – 11 percent – bathi abalaqiniso lokuthi kuyabahlupha kumbe hatshi ukugula kukaMugabe loTsvangirai.

Abantu abangamatshumi ayisithupha phakathi kwabangamakhulu ayisithupha phose lamatshumi ayisithupha – 559 – bawubonile umbuzo lo ebulenjini beTwitter.

Inengi labo kabawuphendulanga umbuzo lo lobanje kutshengisa ukuthi abanye bebewuthakazelala.

Impumela yalokhu ayitsho ukuthi lo ngumbono wabantu bonke eZimbabwe njengoba inengi lebo lingekho ebulenjini beTwitter.

UMugabe kuthiwa ulomkhuhlane wamehlo kuthi-ke uTsvangirai ulomkhuhlane wemvukuzane. Baletshwa eSingapore lakwele South Africa.

UTsvangirai wake wanqoba uMugabe kukhetho lukamongameli kodwa waswela inani lamavoti wokuthi abumbe uhulumende. UMugabe usebuse okweminyaka eyedlula amatshumi amathathu lesikhombisa.

Facebook Forum

XS
SM
MD
LG