amalinks wokungena

Breaking News

UNkosikazi Elizabeth Tsvangirai 'Uxotsha' Abantwana Baka Tsvangirai Endlini Yakhe


Umfelokazi uNkosikazi Elizabeth Macheka Tsvangirai kucatshangelwa ukuthi usexotshe abantwana baka Tsvangirai endlini yakhe eseHighlands eHarare.

Umfelokazi utshele umsakazo weVOA Studio 7 ukuthi lokhe ekhulumisana labanye abantwana baka muyi lobanje abanye bengamhloniphi.

Uthi kakabaxotshi endlini kamuyi njengoba etshiye abanye abantwana laba endlini le aze ayekwethekelela unina.

Kubikwa ukuthi usebambe yonke impahla ayenza loTsvangirai esithi ulelungelo lokuyithatha ngoba wayetshade lomuyi.

Igqwetha lakhe, uMnu. Harrison Nkomo, uthi kumele izihlobo zika Tsvangirai zinanzelele ukuthi umfelokazi wayetshade lomuyi engakabhubhu ngakho-ke ulamalungelo athize empahleni yabo.

Isikhulumeli somdeni wako Tsvangirai, uMnu. Manase Tsvangirai, uthi kuyamangalisa okwenziwe nguNkosikazi Tsvangirai.

Uthi bazahlala phansi behlafune udaba lolu ukuze lulungiswe ngemfanelo.

Kukhanya engani uNkosikazi Tsvangirai waxotshwa endlini kaTsvangirai eBuhera kusanda kungcwatshwa umuyi.

Unina kaTsvangirai waphuma kumabonakude weZBC esithi kafuni lokumuthi tshazi uNkosikazi Tsvangirai emfeni.

Kazange aveze izizatho zokuthi umzondelani umalukazana wakhe.

Facebook Forum

XS
SM
MD
LG