amalinks wokungena

Breaking News

Lokhe Kuhlupha Ukusebenzisa Ubulembu be Internet eZimbabwe


Ubulembu be Internet kuzwekazi le Africa
Abanye abantu makhaza kwele Zimbabwe bathi lokhe bengenelisi ukungena ebulenjini be internet ngenxa yentambo eziqunywe yizikephe duzane le Egypt le France ngolwesihlanu.

Ezinye izakhamizi ze Zvishavane, Victoria Falls, Bulawayo kanye le Masvingo ezikhulume le VOA Studio 7 zithi lokhu sokwenze ukuthi behluleke ukwenza ezamabhizumusi okunjengokuthumeza imali nge eco-cash ethandwa nguzulu.

Abanye bathi kabasenelisi njalo ukuxoxisana lenhlanganiso ezitshiyeneyo labangane ku Facebook, Twitter le email lokunye okokuzilibazisa.

Umnu. Liberty Bhebhe umqondisi we nhlanganiso yabasakhulayo iNational Youth Development Trust uthi abasakhulayo bathwele nzima ngokwehluleka ukusebenzisa ubulembu lobu osobuyimpilo yabo.

Inkampani ye SEACOM ebona ngokusetshensizwa kwezinye intambo ze internet elwandle ithi iyazama ukulungisa intambo eziqanyulwe yizikepe eziseduzane le Egypt le France.

Ithi inengi labantu abasebenzisa ubulembu be internet emazweni atshiyeneyo kubikwa ukuthi bayenelisa okwamanje ukuthola ubulembu be internet esebenza ngcono.
XS
SM
MD
LG