amalinks wokungena

Kwenziwa Umkhosi Wokukhanga Abatsha Ukuba Babhalise Kugwalo Lokuvota

  • Mavis Gama

Omunye umculo obesemkhosi wokukhanga abatsha ukuthi babhalise amagama abo kugwalo lokuvota.

Inhlanganiso ezisebenzisana lozulu ngoMgqibelo ziphawule uhlelo lokukhuthaza abantu ukuba bayebhalisa kugwalo lokuvota ukuze babelelungelo lokuvota abalubiza ngokuthi ‘REEZ TIRI TESE’ besebenzelana labaculi abasakhulayo ababalisa uGuspy Warrior lo Soul Jah Love.

Uzulu uphume ngobunengi esiya emkhosini oqoqwe ngokusebenzelana kwabenhlanganiso yeElection Resource Centre (ERC) leye Zimbabwe Human Rights Association (ZimRights), owenzelwe emavinkilini awe Chigovanyika emzini wase St. Mary’s eChitungwiza.

Banengi abasakhulayo abahambe emkhosini wokukhanga abatsha ukuba babhalise kugwalo lokuvota.
Banengi abasakhulayo abahambe emkhosini wokukhanga abatsha ukuba babhalise kugwalo lokuvota.

Izakhamizi zalumango, ikakhulu abasakhulayo, bemukele ngenjabulo ukuza kwabaculi beqembu labesifazane asesebatsha le Syndicate Sisters, uGuspy Warrior lo Soul Jah Love.

Obona ngezokuqhutshwa kwenhlelo kuZimRights, uNkosazana Cynthia Manjoro, uthe benze lokhu ukwenzela ukukhanga abantu ukuthi bayebhalisa amagama kugwalo lokuvota.

Bathi kunengi abakunanzelele njengenhlanganiso ukuba yizikhexe ezimele zilungisiswe ngoba kusephula amalungelo oluntu.

Lokhu kuqogela ukuhlawuliswa kwabemaphandleni ukuthi bathole ingcwadi efakaza ukuba umuntu uhlala ngaphi kwendawo.

Bebekhona abasebenzisana labe Zimbabwe Electoral Commission (ZEC) ama voter educators okubalisa uMnu. Thulani Siwela.

Bafundise abantu abasemkhosini lo ngokudingakalayo ukuze umuntu enelise ukubhalisa igama lakhe kugwalo lokuvota nxa efuna ukuvota kukhetho oluzakwenziwa ngomnyaka ozayo.

Bekugcwele labantwana eSt. Mary's abahambe emkhosini wokukhanga ukuthi abantu babhalise kugwalo lokuvota.
Bekugcwele labantwana eSt. Mary's abahambe emkhosini wokukhanga ukuthi abantu babhalise kugwalo lokuvota.

Uqonqosele ngokuqakatheka kokubhalisa kunsuku ezibekiweyo kulabo abahlala e St. Mary’s, insuku zakhona zingakedluli.

UNkosazana Lillian Tshuma, ngomunye wabasakhulayo asebabhalisa phansi kohlelo olusebenzisa imitshina yakulezi nsuku olwe BVR.

Abe ERC le ZimRights bathi balethemba lokuba kuyakuthi sekusiyaphela isikhathi esabekwayo ukuba uzulu abhalise ukuba lelungelo lokuvota, inengi labasakhulayo kakhulukazi abazavota okwakuqala, bazakwanelisa ukukwenza lokho.

Facebook Forum

XS
SM
MD
LG