amalinks wokungena

Breaking News

Uzulu Uthakazelela Umuzi weAmagugu International Heritage Center


Izethekeli ezivela eMelika zifundiswa ukweluka amacansi emzini weAmagugu Heritage International Center.

Kuhlelo lwamasiko lokuphila kwabantu nsukuzonke, liviki sixoxa ngokwenziwa yiAmagugu International Heritage Center eMatobo, esabelweni seMatabeleland South, ezama ukuvuselela amasiko esintu.

Indawo le evulwe ngomnyaka ka2010 yenziwe ngendlela eveza impilo yabantu besintwini kudala ababehlezi ezindlini zotshani, begiga, bechola amabele, besidla inyama njalo beseluka okutshiyeneyo okunjengamacansi.

Okunye okwenzakala lapho lokhe kuqhutshwa nguzulu kwelaMaNdebele. Abantwana besikolo sebethapha okwethulwa yindawo le kuthi-ke uzulu jikelele uphosa ilihlo adle ngamehlo liphuma lize liyetshona.

Izethekeli zemazweni atshiyeneyo lazo zifika ngobunengi bazo emzini lo owakhiwa nguMnu. Phathisa Nyathi umlobi olodumo kwele Zimbabwe ephathiswa ngabanye bakhe.

Ukuze sihlaziye udaba lolu, sixoxe loMnu. Butholezwe Nyathi umqondisi wenhlelo eAmagugu International Heritage Center loNkosikazi Lilian Mlilo ongukhansila edolobheni lakoBulawayo njalo othanda okuhambelana lesintu.

UNyathi uthi kuhle ukubona ukuthi banengi abantu abathekazelela ezamasiko.

XS
SM
MD
LG