amalinks wokungena

Breaking News

Izikolo Ziyala Ukwamukela Abantwana Abangabhadalanga Imali Yemfundo


Izikolo ezimbalwa bezibisela abantwana emakhaya ngoLwesithathu abangahlawulanga okupheleleyo imali efunakalayo yemfundo.

Ezinye bezisenqabela abafundi ukuthi baye kusibanga esilandelayo ngaphandle kokuba babhadale kuqala.

Uhulumende kudala wabeka isinqumo sokuthi abantwana akumelanga bexotshwe ezikolo ngenxa yokungabhadalwa kwendleko zesikolo. Kuthi nyakenye wathi abantwana bazafunda kungela mbhadalo.

Kodwa laloba kunjalo izikolo ezimbalwa zibuyisele emakhaya abantwana besikolo abangabhadalanga.

UNkosikazi Nyarai Mugadza, ongumzali womntwana ofunda kwesinye isikolo koBulawayo, uthi wabhadala kungakakhutshulwa imali yesikolo.

Uthi isikolo besifuna kubhadalwe imali yonke engakaqali izifundo.

“Mina ngingumzali okhathezikileyo kakhulu. Bengibhadale ischool fees last year ngibhadalela u2019 kungakakhweli kodwa-ke izolo umphathisikolo ubeseyala ukupha umtanami i-class kaGrade One ethi ngiqale ngibhadale i$6 le abakhweze ngayo. Kubuhlungu ngoba kucina engani imizamo yethu abayiboni njengabazali, siphakathi kwesimo lesi esinzima kanje.”

UNkosikazi Thandi Nyoni, oyisakhamuzi seNkulumane, uthi ucela abaphathi bezikolo bazwisise ukuthi nxa umzali ebhadale ingxenye kungcono ngakho-ke kumele umntwana bamamukele esikolo afunde kulokuthi bambisele ngekhaya.

“Mina ngingumama olomntwana ofunda khonapha eNkulumane. Umnyaka ophelileyo ubeku ECD A, khathesi uya kuB, bengibhadale ingxenye ye-fees kodwa ngithe ngihamba laye izolo esikolo bamala bethi ngibuye laye sengibhadale yonke. “Ngikhuluma nje lamuhla kayanga. Aluba bekungumntwana oqalayo bengizazwisisa kodwa lo obevele efunda khona last year lamuhla bamale ngoba ngibhadale ingxenye. Akulunganga lokhu.”

UNkosikazi Olicah Kaira, ongumqondisi wesigaba sako Bulawayo kwezemfundo (Provincial Education Director) walile ukuphendula imibuzo yentathelizindaba yeStudio 7 esithi uzaphendula ngoLwesine.

Udaba Esilethulelwe NguBathabile Masuku
please wait

No media source currently available

0:00 0:03:43 0:00

Facebook Forum

XS
SM
MD
LG