amalinks wokungena

Breaking News

IZimbabwe Yethula i$4.1 Billion Budget Yomnyaka Ozayo


Umnu. Patrick Chinamasa edale lephalamende lapho ayethule khona uluhlu lokusebenzisa imali yelizwe.

Umphathintambo wezemali umnumzana Patrick Chinamasa ngoLwesine wethule uhlelo lokuhlela imali kahulumende olwe budget ebiza amabhiliyoni edlula kancinyane amane – $4.1 billion, inengi yayo izaphelela ekuhlawuleni izisebenzi.

Esethula ibudget yomnyaka ozayo edale lephalamende, uChinamasa uthe uhlelo lokubuthaniswa kwemali kahulumende kanye lendleko yakhe lwalonyaka lungehlukananga kangako lolwanyakenye.

Uthi loluhlelo kumele kube ngoluqakathekisa ukuthuthukisa umnotho, ukutholiswa kwabantu imisebenzi, ukuthuthukiswa kwamabhizimusi kanye lokuba lucasiswe ngokugcweleyo uhlelo lokunikezwa kwezizalwane zeZimbabwe amandla kwezomnotho olwe Indigenization.

UChinamasa utshele idale lephalamende ukuba inkulungwane phose ezinhlanu zamankampani - 4,610 evaliwe kusukela ngomnyaka ka 2011 kuze kube khathesi ngakho sikhona isidingo sokudinga indlela zokukwenqabela lokho.

Wengeza ethi sikhona isidingo sokuba zivuselelwe ingxoxo zokukhulumisana lenhlanganiso ezikweledisa amazwe athuthukileyo ezifana le International Monetary Fund kanye le World Bank.

Wathi izakwehliswa imali yomthelo yama licence kulabo abaphatheke emisebenzini yokulolonga ama dayimani, ukuze athengiswe kwamanye amazwe esekusimo sokuba eselungisiwe ngoba kuzaphathisa ekuthini yande imisebenzi kula mankampani.

Uveze njalo ukuba labo abahola amakhulu amathathu amadollar– US$300,00 kusiya phansi, ngenyanga, kabayi kuhlawula umthelo owe income tax.

UMnumzana Morris Ngwenya ingcwethi ecubungula ezombusazwe elilunga leZanu PF ubevele ugcezelele ukuthi akaboni kusiba lula ukuthi uChinamasa engezelele umthelo weincome tax kuzisebenzi ezivele zithwele nzima.

Uphinde waqonqosela uChinamasa phezu kokuphathiswa kwabesifazane ukuba banelise labo ukuthola izimali zezikwelede zokuqhuba imisebenzi yabo ngokusungula i bhanga labesifazane i Women’s Bank athi kumele libe selikhona ngomnyaka ozayo.

Wengeza ethi sekulenguquko emsebenzini wokulima elizweni okhangelelwe ukuqansa ngesilinganiso sokwedlula okuthathu ekhulwini- 3,4% ngomnyaka ozayo ka 2015.

Uhlelo lokuqhuba inhlelo zentuthuko yezigaba lwe Constituency Development Fund - CDF lutholiswe izigidi ezedlula ezilitshumi zamadollar, kusitsho ukuba isigaba ngasinye sizathola inkulungwane ezingamatshumi amahlanu zamadollar - $50,000.

please wait

No media source currently available

0:00 0:04:07 0:00
Lapho esitholakala khona

Kesenjalo, izizalwane zeZimbabwe zamukele ngemibono etshiyeneyo uluhlu lokusetshenziswa kwemali yeZimbabwe eyomyaka ozayo i2015 Budget, zisithi selidume ledlula njengoba kungelalutho olumangalisayo olukhulunywe nguMnu. Patrick Chinamasa umphathintambo wezemali.

Abantu abanengi bathi liphansi inani lezisebenzi okuthiwa zalahlekelwa yimisebenzi kusukela ngomnyaka ka2011.

UChinamasa ubike ukuthi izisebenzi ezedlula inkulungwane ezingamatshumi amahlanu lamakhulu amane – 54,443 zalahlekelwe ngumsebenzi kusukela ngalowo mnyaka kuzekuyefika lonyaka.

Ukuze sihlaziye udaba lolu, uGibbs Dube weStudio 7 uxoxe loNkosikazi Sheila Musonda ukhansila edolobheni lakoBulawayo loMnu. George Nkiwane umqondisi weZimbabwe Congress of Trade Unions.

please wait

No media source currently available

0:00 0:05:35 0:00
Lapho esitholakala khona

XS
SM
MD
LG