amalinks wokungena

Breaking News

UTrump Lowayengumongameli uObama Bakhankasela Amalunga Abo Ngesikhathi Sokhetho


UMnu. Trump loMnu. Obama.
UMnu. Trump loMnu. Obama.

Ilizwe leMelika likhangelelwe ukuba lokhetho lweSenate ledale leHouse of Representatives ngoLwesibili.

Abavotayo bazabe bekhetha amalunga eSenate angamatshumi amathathu lanhlanu lamalunga eHouse of Representatives angamakhulu amane lamatshumi amathathu lanhlanu – 435.

Okwamanje ibandla lama Republicans yilo elizibambe esidukwini kudale leSenate ledale leHouse of Representatives. Kuzakhethwa njalo osibalukhulu bezabelo abangamatshumi amathathu lasithupha – 36.

Nxa ibandla lama Democrats lingenelisa ukuvotelwa ngabantu abanengi lithathe idale leHouse of Representatives, njengalokhu okukhangelelwe ngabantu abanengi, lizakwenelisa ukumisa uhlelo lukaMongameli Donald Trump lokulwisana labantu bokuza, ukudunga umphakathi lokunye okutshiyeneyo. Okwamanje amabandla wonke akhankasa okumangalisayo.

UMnu. Donald Trump usehambe indawo ezinengi ecela abantu ukuthi bavotele amalunga ebandla lakhe.

“Mina ngikhangele kakhulu kukhetho lwedale leSenate. Kudale leHouse of Representatives singenza kahle lakho."

Amalunga ebandla lama Democrats lawo asecele owayengumongameli uMnu. Barack Obama ukuthi abakhankase kukhetho lolu oluqakathekileyo.

“Ilizwe leMelika lisebuzimeni. Uhlelo lwezempilakahle luyavotelwa. Okunye njalo okuvotelwayo yikuthi abantu abasebenzayo bethole ithuba lokuthuthuka. Ngilapha ukuzelicele ukuthi livote.”

Banengi abantu abazavota kukhetho lolu. Omunye wabo nguMnu. Vukani Moyo ohlala eDallas Texas.

Ababona ngokwenzakalayo bathi ibandla lama Republicans lilakho ukukha phansi kukhetho lolu. Kodwa-ke bakhona njalo abathi ama Democrats angalahlekelwa ngezinye isihlalo kudale leHouse of Representatives.

Udaba Esilethulelwe NguGibbs Dube
please wait

No media source currently available

0:00 0:05:16 0:00

XS
SM
MD
LG