amalinks wokungena

Kuphawulwa Uhlelo Lokubhalisa Ukuvota Kusetshenziswa Imitshina yeBVR

  • Mavis Gama

Abanye ababhalise amabizo abo kugwalo lokuvota ngoLwesine kusetshenziswa imitshina yeBiometric Voter Registration.

Uhulumende uphawule okusemthethweni ngoLwesine uhlelo lokubhalisa amagama abalelungelo lokuvota kusetshenziswa imitshina yakulezinsuku eye Biometric Voter Registration kits, emkhosini owenzelwe endaweni ezimbili eState House lase Harare International Conference Centre (HICC).

UMongameli Robert Mugabe ubhalisa kugwalo lokuvota esebenzisa imitshina emitsha eyeBiometric Voter Registration.
UMongameli Robert Mugabe ubhalisa kugwalo lokuvota esebenzisa imitshina emitsha eyeBiometric Voter Registration.

UMongameli Robert Mugabe lomkake, uNkosikazi Grace Mugabe, babe ngabokuqala ukubhalisa amabizo abo kugwalo olutsha lokuvota oluzasetshenziswa ngomnyaka ozayo.

Ephawula loluhlelo eState House, uMugabe uthe ubhalise ibizo lakhe kugwalo lolu ngemva kokucetshiswa ngabenhlanganiso ebona ngokuqhutshwa kokhetho elizweni eye Zimbabwe Electoral Commission (ZEC) kulandelwa imithetho ephathelane lalumsebenzi.

Omunye obhalise ukuvota kugwalo lokuvota ngoLwesine nguMnu. Tawanda Chimnini wenhlanganiso ekhankasela ukhetho olubalulekileyo eyeElection Resource Center.
Omunye obhalise ukuvota kugwalo lokuvota ngoLwesine nguMnu. Tawanda Chimnini wenhlanganiso ekhankasela ukhetho olubalulekileyo eyeElection Resource Center.

Umgcinisihlalo wekhomishini ye ZEC, uJustice Rita Makarau, uthe ukusungulwa kohlelo lokubhaliswa kwamagama ngendlela ye BVR, yisibonelo sokuba sebelulungele ukhetho luka 2018.

Kwasekelwa ngomunye wama Commissioners awe ZEC, uNkosikazi Sibongile Ndlovu, ukhuthaza uzulu ukuba athathe lelithuba, ukubhalisa amagama abo, ezigabeni abakiso kusukela ngomvulo ozayo.

Kodwa abamabandla ezombusazwe aphikisayo, lokhu ekhonona, esithi ukuphawulwa kwalolu hlelo lamuhla yibusela lobuqili buka hulumende kaMugabe, njengoba emitshina engamakhulu amane esikhona, imilutshwana kakhulu.

UNkosikazi Grace Mugabe ubhalisa kugwalo lokuvota eState House eHarare.
UNkosikazi Grace Mugabe ubhalisa kugwalo lokuvota eState House eHarare.

Basola ukuba kwalumkhosi eState House okwenze behluleka ukubakhona njengoba benganxunswanga. Basale sebebambe owangaphansi, belinde obuse HICC, lapho obuvele usenzelwa khona.

Umsekeli kanobhala jikelele webandla le Democratic Assembly for Restoration (DARE), uMnu. Edmund Gonde, ngomunye wamalunga amabandla aphikisayo, atshone elindile ukubhalisa ese HICC.

Loluhlelo oluqala luzoqhutshwa emawofisini awe ZEC, ezigabeni ezingamatshumi ayisithupha lantathu -63, luzogqitshwa mhla zilitshumi lanhlanu ngoZibandlela womnyaka ozayo ka 2018, andubana kulungiswe ugwalo olutsha lwabalelungelo lokuvota, iVoter’s Roll.

Ababhalisa abantu ukwenzela ukuthi bavote ngomnyaka ozayo.
Ababhalisa abantu ukwenzela ukuthi bavote ngomnyaka ozayo.

Kodwa abe ZEC bathi lokhu akutsho ukuba uyamiswa ngalelo langa lumsebenzi ngoba ukubhaliswa kwamagama abantu ukuba lelungelo lokuvhota, kuzoqhubekela phambili kuze kuyekuthi sekusele amalanga alitshumi lambili, ukhetho luqala.

Okwamanje abe ZEC sebanelise ukuthola imitshina engamakhulu amane ( 400 ),wona kumele ibe zikunkulungwane ezedlula ezintathu - 3,200, eminye ikhangelelwe ukufika elizweni mhlaka 15 Mfumfu.

UMugabe, abasekeli bakhe, iziphathamandla zikahulumende kanye lenkokheli ye Zanu Pf, bebengasekho emkhosini owenzelwe eHICC.

Owenzelwe e HICC, ungenwe zinkokheli zamabandla ezokholo, abenhlanganiso ezisebenzisana lozulu, inkokheli yamabandla aphikisayo kanye labenhlangothi zenhlanganiso yomnyano wamazwe omhlaba, iUnited Nations Development Partners.

Facebook Forum

XS
SM
MD
LG