amalinks wokungena

Breaking News

IZimbabwe Idinga $51 Million Yokuvuselela iGMB

  • Gibbs Dube

IZimbabwe ibikwa idinga izigidi ezedlula amatshumi amahlanu amadollar – $51 million – yokuvuselela iziphala zokudla elizweni.

Inhlanganiso yezindaba eye Zimbabwe Inter-Africa News Agency (ZIANA) ithi ugatsha lwezokulima luthi imali le izasetshenziswa ekulungiseni iziphala, ukuthenga imota zokulayitsha umumbu eGrain Marketing Board (GMB) kanye lakunhlelo zokulondoloza ulwazi zangalezi nsuku ezama computers.

Izigidi ezedlula amatshumi amathathu zamadollar – $31 million, zibikwa zizasetshenziswa ukulungisa iziphala esezidilika.

Iziphathamandla zenkampani ye GMB ziyalile ukukhuluma ngodaba lolu. Umnu. Joseph Made umphathintambo wezokulima kazange aphendule incingo zakhe.

Abasola indlela okumele imali le isetshenziswe ngayo bathi ele Zimbabwe kalikafiki esibangeni okwamanje sokuthi lingayiphatha njani ngendlela efunwa lugatsha lwezokulima. Bathi uzulu ufuna ukudla hatshi ukulungiselwa iziphala ezingasoze zibe lokudla.

Umnu. Everson Ndlovu ingcwethi ebona ngenhlalakahle kazulu uthi kumele imali le isetshenziswe ukuthengela uzulu ukudla.

please wait

No media source currently available

0:00 0:02:08 0:00
Lapho esitholakala khona

Umnu. Themba Dlodlo umlimi olodumo owe Mbangazitha Farm esabelweni se Matabeleland South, usekela imbono kaNdlovu.

please wait

No media source currently available

0:00 0:02:08 0:00
Lapho esitholakala khona

IGMB ithi lonyaka ifuna ukuba lamabele ayisilinganiso sama metric tonnes azinkulungwane ezingamakhulu amabili lamatshumi amahlanu – 250,000 metric tonnes – eziphaleni zelizwe.

Umnu. Nkosilathi Nkomo isakhamuzi se Matobo uthi uzulu ukhangelele ukuthi ancediswe nguhulumende ekuthengeni ukudla ngenxa yendlala emangalisauyo.
please wait

No media source currently available

0:00 0:02:22 0:00
Lapho esitholakala khona
XS
SM
MD
LG