amalinks wokungena

Breaking News

Luyaphumelela Uhlelo Lokusoka Kwendulo eZimbabwe


Uhulumende weZimbabwe usefuna ukusungula uhlelo lokusoka kusetshenziwa ucingo olubizwa ngokuthi yiPrePex.
Uhulumende weZimbabwe usefuna ukusungula uhlelo lokusoka kusetshenziwa ucingo olubizwa ngokuthi yiPrePex.

Abasakhulayo abedlula kancane ikhulu lamatshumi amahlanu – 153 kubikwa besokwe ngonanzelelo ngesikhathi somqando lonyaka eMbembesi esabelweni seMatabeleland South.

Indunankulu yamaXhosa uMnu. MacLeod Tshawe uthi banengi njalo abasokwe kwezinye indawo zelizwe ezibalisa iFort Rixon, Kennelworth, Matapa leSilobela.

Uthi akulamajaha afileyo esokwa njengenhlalayenze eZimbabwe ngenxa yokuthi lokhu kwenziwa ngonanzelelo ngabantu abakwaziyo abakwenzayo.

Uthi ukusokwa kwamajaha eZimbabwe akunjengakwezinye indawo zeSouth Africa lapho okulabantu asebekwenza bedinga imali.

Lonyaka sokufe abantu abedlula itshumi kwele South Africa ezikolo zokusoka. Kwafa amajaha amanengi okumangalisayo nyakenye.

Uhulumende weZimbabwe usefuna ukusungula uhlelo lokusoka kusetshenziwa ucingo olubizwa ngokuthi yiPrePex.

Soluqalisile ukusebenza ucingo lolu eRwanda kulandela uhlelo lokusoka ezibhedlela olwasungulwa emazweni alitshumi lanye kuzwekazi leAfrica olusekelwa zinhlanganiso ezinjenge Bill and Melinda Gates Foundation lomongameli weUnited States. IZimbabwe layo iphakathi kohlelo lolu.

UTshawe utshele iStudio 7 ukuthi kungaba kuhle kakhulu nxa uzulu engasebenzisa loluhlelo ezikolo zendulo zokusoka emaphandleni.

XS
SM
MD
LG