amalinks wokungena

Breaking News

Uzulu Usekela Ibandla leMDC Elifisa Ukutshengisela Emigwaqweni Likhonona Ngokwenzekala eZimbabwe


Abanye abantu basekela ibandla leMDC elikhokhelwa nguMnu. Nelson Chamisa elithi sesifikile isikhathi sokuthi uzulu angene emigwaqweni eveza ukuthukuthela ngokugugudeka komnotho lokunye okuhluphayo elizweni.

Bathi lokhu yikho kodwa okuzakwenza ukuthi ibandla elibusayo lilalele okufunwa ngabantu.

Baphinde bathi kuyabukeka okwenziwe ngumbalisi weNjube High School, uMnu. Brian Mutsiba, oncedise abantwana besikolo ngoMvulo ukuba batshengisela emgwaqweni koBulawayo bekhonona ngokwenzakala ezikolo okulababalisi abakhalala umsebenzi.

Kodwa abasekela ibandla leZanu PF bathi ukutshengisela emigwaqweni akusoze kuncede lutho.

Ukuze sihlaziye udaba lolu sixoxe loNkosazana Thabitha Khumalo, umgcinisihlalo webandla leMDC, uMnu. Believe Gaule webandle leZanu PF labalandeli bomsakazo weStudio 7 kuhlelo Zimbabwe Today – Asixoxeni esilethulela ebulenjini bokuxhumana obefacebook kukhasi leVOA Ndebele.

UMaKhumalo uthi abantu kumele bangene emigwaqweni betshengisele ngoba ibandla leZanu PF libhidliza ilizwe.

UGaule uthi akusoze kuncede okwenziwa libandla leMDC.

Kodwa-ke abanye abantu bathi basekela okwethulwe nguChamisa ngoLwesibili othe bazathwalisa nzima uMnangagwa labanye abakhe lonyaka.

Basekela Ibandla leMDC Elithi Abantu Kumele Batshengisele Emigwaqweni
please wait

No media source currently available

0:00 0:03:11 0:00


XS
SM
MD
LG