amalinks wokungena

Breaking News

Sezivotile Izizalwane zeScotland Ezifuna Ukuzibusa


UMnu. Themba Moyo owazalelwa eZimbabwe kodwa oselamaphepha okwamanje awe Bhilithane othe lokhu kakusoze kumkhahlameze
UMnu. Themba Moyo owazalelwa eZimbabwe kodwa oselamaphepha okwamanje awe Bhilithane othe lokhu kakusoze kumkhahlameze

Sezivotile kureferendum izizalwane zeScotland ezidingisisa ukuthi ziyenzeni ngalokho okufunwa ngabanye ukuthi bahlubuke eBhilithane ilizwe libe lozibuse ogcweleyo.

Kubikwa kulabantu abanengi abavotileyo abacatshangelwa ukuba bedlula izigidi ezine – 4.2 million yalabo abenelisa ukuvota.

Uzulu uvote endaweni ezedlula inkulungwane ezimbili lamakhulu ayisithupha – 2,600 – lapho ekade zikhangelelwe ukuvuma kumbe ukwala ukuthi ilizwe leli eselidlelane leBhilithane okweminyaka edlula amakhulu angamathathu – 307 – lixexebuke eUnited Kingdom.

Umbuzo okade usemphakathini yikuthi ‘Kambe eleScotland kumele lizibuse na?’. Okuhlolisiswe ngabacubungula ezombusazwe bekutshengisa ukuthi bekungutshiki lobhanqa kulabo abafuna ukuthi iScotland izibuse lalabo abafuna ukudlelana leBhilithane.

Ukuze sihlaziye udaba lolu, sixoxe loMnu. Themba Moyo owazalelwa eZimbabwe kodwa oselamaphepha okwamanje awe Bhilithane othe lokhu kakusoze kumkhahlameze.

XS
SM
MD
LG