amalinks wokungena

Breaking News

Ukhetho Lwama Primaries Soluxabanisa Amalunga eZanu PF


Bamelele ukuvota kukhetho lwama primaries ebandla leZanu PF.

Ukhetho lwabazamela ibandla leZANU PF olwalumele lwenziwe ngeSonto lucine lusenziwa ngoMvulo kulemibiko ethi lube lodlakela lokuqilana njalo ezinye indawo zokuvotela zicine zivalwa.

Kubikwa njalo ukuthi kwenzinye indawo amasotsha acine engenela kukhetho lolu ngenxa yokulwisana kwabalandeli bebandla leli.

EGokwe kubikwa kubanjwe ilunga leZANU PF lilamaphepha asevotiwe azinkulugnwane ezilutshumi lanhlanu - 15,000 besekusithi endaweni ezinengi udlakela belubangelwa yikuswelakala kwamabizo amalunga anikwa imvumo yokuma kukhetho lolu.

Ibandla leZANU PF alikakhulumi ngaloludaba njalo impumelo esasekhona ayikakhitshwa libandla leli.

Omele iKuwadzana East edale lephalamende, uNkosikazi Betty Kaseke, uMnu. Tinashe Maduza oweKambuzuma, uMnu. Terrence Mukupe owe Harare East, uMnu. Godfrey Gomwe owe Budiriro, uDanny Derera owe Mufakose loMnu. Obadiah Moyo owe Zengeza East kubikwa ukuthi benqobile kukhetho lolu.

Bamelele amaphepha okuvota ...
Bamelele amaphepha okuvota ...

Ingcitshi yezombusazwe, uMnu. Pride Mkono, uthe udlakela lolu lutshengisa ukuthi iZANU PF njengebandla selisifa ngenxa yokungenisa amasotsha embusweni wabo njalo lokhu kungaba lithuba kuMnu. Nelson Chamisa okhokhela iMDC Alliance ukuthi enqobe kukhetho lwalonyaka.

Unobhala jikelele wenhlanganiso yezifundi zemakholitshini eye Zimbabwe National Students Union (ZINASU), uMnu. Ashleigh Pfunye uthi okwenzakala kuZanu PF akumangalisi.

Enye ingcitshi yezombusazwe, uMnu. Ostallos Siziba uthe iZANU PF yehluleke ukuba lokhetho olulokuthula olungela buqili ngoba bengabantu abajwayele inkohlakalo lobuqili. Ethi okunye okubuhlungu yikuthi amasotsha lamapholisa asetshenziswa yiZANU PF, okuhle kukhanye ukuthi kukhetho bezabe besekela ibandla liphi lokuthi abeZANU PF sebekubeke mgceke ukuthi abazi ukuthi ukhetho kumele luphathwe njani laloba behamba bekhuluma ngakho ndawoyonke.

Ukhetho lwamaprimaries olweZANU PF bekumele lwenzwe ngenSonto kwehlula ngemva kokuswelakala kwamanye amabizo emaphepheni okhetho, kwasekuthiwa ukhetho lolu lwenziwe namhlanje kodwa kwenzakala phutha linye kwezinye indawo.

Udaba Lokhetho LweZanu PF Primaries Esilethulelwe NguGibson Bhebhe
please wait

No media source currently available

0:00 0:04:07 0:00

Facebook Forum

XS
SM
MD
LG