amalinks wokungena

Breaking News

Ababalisi Bakhala Ngenhlawulo Yomsebenzi weReferendum

  • Gibbs Dube

Ababalisi abakade bephethe umsebenzi wokuvotisa kukhetho lokwamukela loba ukwala ukwamukela ugwalo oluzaba yisisekelo sombuso esitsha olweReferendum ngempelaviki bathi kungenzakala ukuthi iZimbabwe Electoral Commission (ZEC) yehluleke ukubapha inhlawulo yabo yalumsebenzi.

Ababalisi abakhulume le VOA Studio 7 ngoMvulo bathe umbalisi munye ngamunye uphiwe amatshumi amane - $40 kusiya kukhulu lamadollar eMelika - $100 bengakaqalisi ukuvotisa uzulu.

Omunye wabo, ocele ukubizwa ngegama lakhe lakuqala kuphela – uSanele, uthi iZEC ibathembise ukuthi izababhadala amakhulu amabili lamatshumi athoba minwe mbili amadollar - $280 kungaphela uhlelo lokuvotisa.

USanele uthe ababalisi abafika kunkulungwane ezingamatshumi amane – 40,000 - abakade bephethe umsebenzi wokuvotisa uzulu ngempelaviki edluleyo bayimelele imali yabo ngamehlo abomvu.

please wait

No media source currently available

0:00 0:01:47 0:00
Lapho esitholakala khona

Umnu. Vusimuzi Mahlangu owenhlanganiso yababalisi eye Progressive Teachers Union of Zimbabwe edolobheni lakoBulawayo uthi akuqedakali ukuthi kwenzakalani ngezimali zababalisi abakade bephethe umsebenzi oqakathekethekileyo kukhetho lwe referendum.

please wait

No media source currently available

0:00 0:01:48 0:00
Lapho esitholakala khona

Ele Zimbabwe likhangelelwe ukuthi lizabalesisekelo esitsha sombuso welizwe kungakapheli umnyaka lo.

Banengi ababalisi abangakabhadalwa imali yokubala uzulu kuhlelo lwe national population census olwenziwa nyakenye.
XS
SM
MD
LG