amalinks wokungena

Breaking News

Inhlanganiso Zamagqwetha Zisola Ukukhahlamezwe Kuka Justice Hungwe

  • Gibbs Dube

Inhlanganiso ezitshiyeneyo zamagqwetha ezezwekazi le Africa zithi kazijabuli ngokuzwa ukuthi umahluli wedale lomthethwanda we high court usethwaliswe nzima ngamaphephandaba adlelana lebandla le Zanu-PF lohulumende.

IPan African Lawyers Union, iSouthern African Development Community Lawyers Association le Southern Africa Litigation Centre zithi kuyethusa okwenzakala ku Justice Charles Hungwe.

Lokhu zithi kutshengisa ukuthi akusalandelwa imithetho eZimbabwe ngesikhathi kulungiselelwa ukhetho oluqakathekileyo lonyaka.

UJustice Hungwe ubikwa ethethiswa ngamaphephandaba ngenxa yokukhulula unkosikazi Beatrice Mtetwa obotshelwe ukuphikisa ukubotshwa kwezisebenzi zehofisi yenhloko kahulumende.

UHungwe ubikwa efela ukuthi uthe kumele amapholisa ayengena endlini zabaphathintambo bakahulumende abakubandla le Zanu-PF abacatshangelwa ukuthi bangamasela.

Zithi ukuhlukuluzwa kuka hungwe kwenzelwa njalo ukwethusela abehluli bonke bemithethwandaba eZimbabwe.

Umnu. Matshobana Ncube igqwetha elilwela amalungelo oluntu uthi akulunganga okwenziwa ngamaphephandaba athethisa uHungwe.
please wait

No media source currently available

0:00 0:02:14 0:00
Lapho esitholakala khona

Ukuze sihlaziye loludaba sixoxe loMnu. Kucaca Phulu igqwetha elilwela amalungelo oluntu exoxa loNkosazana Hlengiwe Mthethwa osekela ibandla le Zanu-PF njalo ofundela ezombusazwe eUniversity of Zimbabwe.
please wait

No media source currently available

0:00 0:05:11 0:00
Lapho esitholakala khona

Umahluli wedale le High Court uJustice George Chiweshe ngoLwesine uthe uzathatha isinqumo kusasa sokuthi kumele kwenziweni ngokhetho lwama bye-election endaweni ezintathu zemandebeleni.

UChiweshe bekumele ethule ngoLwesine isinqumo kusicelo sikaMongameli Robert Mugabe ofuna ukhetho lume ukwenziwa ezigabeni ezilabameli abamiswa ukuba ngamalunga edale lephalamende ngoba bexotshwe ebandleni le MDC elikhokhelwa ngumnu. Welshman Ncube.

UChiweshe wethule lesi sinqumo esanda kuzwa okade kukhulunywa ngamaqqwetha amele uMnu. Abednico Bhebhe, uMnu. Njabuliso Mguni lo Mnu. Norman Mpofu abafuna ukhetho lolu lwenziwe kulandelwa isinqumo somthethwandaba we Supreme Court nyakenye.

Idale leli belithe kumele uMongameli Mugabe ahlele kanye lokwazisa ilanga olwenziwa lolu khetho.

Kodwa uMugabe uphindele emthethwandaba we High Court lapho atshelwe khona ukuthi kumele lokhu kwenziwe ekupheleni kukambimbitho lonyaka.

UMugabe okwamanje usephindele emthethwandaba esithi akuncedi ukuthi uhulumende adlalise imali esenza ukhetho lwezigaba ezintathu lezi kuphela khona kuzakwenziwa ukhetho olukhulu eZimbabwe lonyaka.

Uthi ilizwe livele lithwele nzima ukudinga imali yokuqhuba ukhetho lwelizwe lonke ngakhoke kungaba ngcono kumisweni lolu khetho kumelelwe olwelizwe lonke.
XS
SM
MD
LG