amalinks wokungena

Breaking News

Kuthunqa Uthuli Emidlalweni Yenguqu Ngempelaviki


Ayangqikilana amaqembu enguqu eZimbabwe ngempelaviki ngesikhathi kukhanya ukuthi amaqembu amane alakho ukuthatha inkomitsho ye Castle Lager Premier Soccer League lonyaka.

Amaqembu akhangelelwe ukuba angathatha inkomitsho le yi Highlanders, Dynamos, Harare City kanye le FC Platinum.

IBosso yiyo ephezulu kungalane yemiklomelo eye Premier League ilandelwa yi Dynamos, Harare city le FC Platinum. IHighlanders ilakho ukuthi ihle ithole inkomitsho le nxa inganqoba iHarare City emdlalweni wayo wangeNsonto enkundleni yeRufaro Stadium eHarare.

Lokhu kungenzakala nxa iDynamos ingakha phansi emdlalweni wangenSonto njalo eBarbourfields Stadium lapho engqikilana khona le Chicken Inn.

Kungaya ngasifudlana ku Highlanders, iDynamos, Harare City le FC Platinum zikakho ukuthatha inkomitsho le.

Umnu. Johannes Tshuma owayengunozinti we Highlanders uthi imidlalo le inzima okwamagama emaqenjini wonke.

Amaqembu akhangelelwe ukuthi azaphuma ku Castle Lager Premier Soccer League yi Black Rhinos, Monomotapa, Motor Action le Triple B.
XS
SM
MD
LG