amalinks wokungena

Breaking News

Ibandla lePeople's Democratic Party Elikhokhelwa nguLucy Matibenga Likhetha Inkokheli


UMnu. Sam Siphepha Nkomo, UNkosikazi Joice Mujuru, uNkosikazi Lucia Matibenga loMnu. Gorden Moyo

Ibandla eliphikisayo ele People's Democratic Party (PDP) ngoLwesine lenze umhlangano wedale lalo laphezulu owe General Council obuhlanganiswe lowe Congress yokukhetha inkokheli ukuze lenelise ukuvala izikhexhe ezavuleka ngemva kokusuka kwamanye amalunga abandla leli.

Umbuthano lo uhlanganise abalandeli bePDP abavele ezabelweni zonke zelizwe, umkhokheli webandla leli uNkosikazi Lucia Matibenga, umongameli webandla leNational People’s Party uNkosikazi Joyce Mujuru kanye lomsekeli wakhe uMnu. Samuel Siphepha Nkomo.

Injongo yalumhlangano bekuyikukhetha inkokheli kanye lokubethula kubalandeli bebandla labo. Abakhethwe emhlanganweni lo abalezikhundla eziphezulu ngumsekeli kamongameli wePDP uMnu. Benson Ntini kanye lomgcinisikhwama uMnu. Trevor Johns.

UNtini uthi wamukele ngenjabulo ukukhethwa kwakhe kodwa uzwa ethwele ijogwe elinzima.

Omunye umlandeli webandla leli, uMnu. Fortune Mlalazi, uthe bayajabula ukubona ibandla lePDP likhula.

Lokhu kusekelwe nguNkosikazi Ottilia Sibanda laye uncome ibandla lePDP esithi lilokuthula njalo bakhangelele ukunqoba okulesisindo bekhokhelwa nguNkosikazi Joice Mujuru.

Ibandla lePDP liyingxenye yomanyano wePeople’s Rainbow Coalition ekhokhelwa nguNkosikazi Joice Mujuru, okhulume emhlanganweni lo esithi umanyano lo uzanqoba njalo uzalwisa ukuthuthukisa iziqinti lapho okuhlala khona uzulu.

Facebook Forum

XS
SM
MD
LG